ເວລາ 2:00 ໂມງເຊົ້າຂອງວັນທີ 18/8/2017 ໄດ້ເກີດເຫດການ ຟ້າຜ່າກົງເຕີໄຟ ຢູ່ເຮືອນຫຼັງໜຶ່ງໃນນະຄອນຫຼວງວຽງຈັນ ເຈົ້າຂອງເຮືອນຊື່ ຕົ້ນໄດ້ໃຫ້ຮູ້ວ່າ: ຕອນນັ້ນມີສຽງດັງສະໜັ່ນ, ກົງເຕີແລະປັກໄຟຫລາຍບ່ອນທົ່ວເຮືອນກໍ່ໄດ້ລະເບີດອອກມາຢ່າງຮຸນແຮງ ຍັງບໍ່ແນ່ໃຈວ່າເຄື່ອງໃຊ້ໄຟຟ້າທັງໝົດຈະເສຍຫາຍຫລາຍໜ້ອຍສ່ຳໃດ ດີແຕ່ຄົນບໍ່ເປັນຫຍັງ, ພໍຕື່ນເຊົ້າມາໄປເບິ່ງສະພາບກົງເຕີໄຟກໍ່ເປັນດັ່ງທີ່ເຫັນໃນຮູບແຕກກະແຈກກະຈາຍ.
ເປັນແບບນີ້ແລ້ວແນ່ນອນໄດ້ປ່ຽນໃໝ່ໝົດ ແຕ່ເຈົ້າຂອງເຮືອນຍັງຄາໃຈ ຈິ່ງຝາກຖາມ ໂດຍສະເພາະໜ່ວຍງານໄຟຟ້າວ່າ ເຫດການແບບນີ້ຈະມີພາກສ່ວນໃດມາຊ່ວຍເຫຼືອ ຫຼື ທົດແທນຄ່າເສຍຫາຍບໍ່? ຫລືຕ້ອງໄດ້ຈ່າຍເອງທັງໝົດ?
ເລື່ອງໄພທຳມະຊາດບໍ່ຮູ້ຈະເກີດຂຶ້ນມາເມື່ອໃດ, ແຕ່ສຳຄັນຊີວິດຄົນປອດໄພແມ່ນໂຊກດີທີ່ສຸດໃນໂລກ
ເຫັນແລ້ວວາດສຽວກັບເຫດການທີ່ເກີດຂຶ້ນ, ຟ້າຜ່າເປັນຄວາມຮຸນແຮງທາງທຳມະຊາດຢ່າງໜຶ່ງທີ່ຄົນເກງກົວກວ່າສິ່ງອື່ນໃດ.
ຫວັງວ່າຈະໄດ້ຄຳຕອບຈາກໜ່ວຍງານທີ່ກ່ຽວຂ້ອງ ກ່ຽວກັບການຕິດຕັ້ງ ຫຼື ປ່ຽນແທນກົງເຕີອັນໃໝ່ໃຫ້ຜູ້ຊົມໃຊ້ ຫາກເກີດກໍລະນີແບບນີ້ຄວນເຮັດແນວໃດ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment