ໃນໂລກນີ້ມີຜູ້ຍິງງາມມາກມາຍກ່າຍກອງ ແລະມີຮູບແຕ້ມທີ່ສະດຸດຕາມີມູນຄ່າລາຄາສູງນັບບໍ່ຖ້ວນ ແຕ່ຮູບນີ້ເປັນຫຍັງຈິ່ງກະຈາຍຢູ່ທົ່ວທຸກສາລະທິດ ໂດຍທີ່ບໍ່ມີໃຜຮູ້ນາງຜູ້ນີ້ແມ່ນໃຜ ຊຶ່ງສຽງຮຽງນາມວ່າແນວໃດແລະຕົວຕົນທີ່ແທ້ຈິງຢູ່ທີ່ໃດ.
ຄົນທັງໂລກຮູ້ຈັກສາວໃນຮູບໃນນາມຊື່ ໂມນາລີຊາ ສາວງາມທີ່ຢ້າວຢວນຊວນຫຼົົົງໄຫຼດ້ວຍອົງປະກອບອັນສົມຈິງເປັນດັ່ງຍັງມີຊີວິດຊີວາ ລຶກລັບຖືເປັນງານສິນລະປະຊັ້ນເລີດທີ່ນັກສິນລະປິນຊື່ ເລໂອນັນໂດ ດາວິນຊີ ໄດ້ວາດໄວ້ດ້ວຍຈິດວິນຍານ ຊຶ່ງສື່ເຖິງຮອຍຍີ້ມປິດສະໜາທີ່ບໍ່ຮູ້ວ່ານາງຄົນນີ້ຍີ້ມ, ຫົວ ຫຼື ຮ້ອງໄຫ້ກັນແທ້.
ໂມນາລີຊາເປັນພາບວາດສີນ້ຳມັນທີ່ມີຄວາມສູງ 77 ຊັງຕີແມັດ ຊຶ່ງຖືກຳເນີດຂຶ້ນໃນສະຕະວັດທີ 16 ລະຫວ່າງປີ ຄສ 1503-1507 ດ້ວຍແປງແຕ້ມຮູບຂອງເລໂອນາໂດ ດາວິນຊີ ສິນສະປິນເອກຂອງໂລກ ຊຶ່ງໃຊ້ເວລາເຖິງ 4 ປີຈິ່ງແຕ້ມພາບນີ້ສຳເລັດ.
ດ້ວຍຜົນງານທີ່ອອກມາຢ່າງງົດງາມດັ່ງການເນລະມິດເກືອບເທົ່າກັບທຳມະຊາດ ແລະສັດສ່ວນຮູບຊົງຖືກຖ່າຍທອດອອກມາຢ່າງໄຮ້ທີ່ຕິ ຮູບໂມນາລີຊາຈິ່ງໄດ້ຮັບຄຳຊົມ ແລະມີຄົນຮູ້ຈັກຫຼາຍທີ່ສຸດໃນໂລກ ຜູ້ຊື່ນຊົມໃນສິນລະປະເບິ່ງຮູບໂມນາລີຊາວ່າພາບນີ້ເປັນຄືກັບແວ່ນສະທ້ອນຄວາມຮູ້ສຶກນຶກຄິດຍາກທີ່ຈະເດົາອອກ ນາງມີຄວາມລຶກລັບໜ້າຄົ້ນຫາ ໃບໜ້າ ແລະແວວຕາຮ້ອນຮົນ ແລະສະຫງົບນິ້ງໃນເວລາດຽວກັນ ຄົນທັງຫຼາຍຈັ່ງໃຫ້ສາຍານາມວ່າວ່າຄົນໃນພາບນີ້ຄືນາງຟ້າຫຼາຍກວ່າມະນຸດ.
ສຳລັບຄຳຖາມທີ່ວ່ານາງໃນຮູບນີ້ແມ່ນໃຜບັນດານັກຄົ້ນຄວ້າໄດ້ທຳການສຶກສາມາແລ້ວ 5 ສະຕະວັດແລ້ວແຕ່ຍັງບໍ່ໄດ້ຄຳຕອບທີ່ແທ້ຈິງຈົນປະຈຸບັນ, ຕາມການເລົ່າລືກັນບອກພຽງວ່ານາງໃນຮູບປິດສະໜາດັ່ງກ່າວນີ້ຄືພາບຂອງ ລີຊາເດວ ໂຈຄອນໂດ ພັນລະຍາຂອງພໍ່ຄ້າຊາວຟອນເຣນ ຊຶ່ຟຣານເຊສໂກເດວໂຈຄອນໂດ ຊຶ່ງເປັນພໍ່ຄ້າຜູ້ຮັ່ງມີຂອງອີຕາລີ. ວ່າກັນວ່າຂະນະຂຽນພາບນັ້ນເລໂອນາໂດເຖິງກັບວ່າຈ້າງນັກຮ້ອງນັກດົນຕີ ແລະຕະຫຼົກມາໃຫ້ຄວາມບັນເທິງແກ່ຍິງຜູ້ທີ່ເປັນແບບ ເພື່ອໃຫ້ມີຮອຍຍີ້ມທີ່ປາສະຈາກຄວາມເສົ້າໝອງກ່ອນຈະໄດ້ພາບນັ້ນມາ.
ຮູບໂມນາລີຊາ ຂອງແທ້ປະຈຸບັນແມ່ນຢູ່ໃນການຄອບຄອງຂອງລັດຖະບານຝຣັ່ງ ຖືກເກັບຮັກສາໄວ້ຢູ່ພິພິຕະພັນ Musse du Louvre ໃນນະຄອນຫຼວງປະຣີ.
ມື້ນີ້ເອົາພຽງສ່ຳນີ້ກ່ອນ ມື້ໜ້າລາວອັບເດດຈະນຳສະໜີທ່ານຜູ້ອ່ານເພີ່ມກ່ຽວກັບນັກສິນລະປິນມືເອກຄົນທີ່ວາດພາບໂມນາລີຊາ ແມ່ນໃຜມາຈາກໃສ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment