ການແຂ່ງຂັນບານເຕະສາຍ ກ ຮອບແບ່ງກຸ່ມ ໄດ້ສໍາເລັດໄປເປັນທີ່ຮຽບຮ້ອຍແລ້ວ ແລະ ໄດ້ມາແລ້ວ 8 ທີມສຸດທ້າຍ ເມື່ອວັນທີ 20 ສິງຫາ ທີ່ຜ່ານມາ ໄດ້ມີການແຂ່ງຂັນນັດສຸດທ້າຍຂອງແຕ່ລະກຸ່ມ.
ໂດຍທີມທີ່ຜ່ານເຂົ້າຮອບ 8 ທີມສຸດທ້າຍ ມີດັ່ງນີ້:
-ກຸ່ມ A ປະກອບມີ ເມືອງຈັນທະບູລີ ແຊັມກຸ່ມ ແລະ ສະຫວັນ ຊິດຕີ້ ຮອງແຊັມກຸ່ມ.
-ກຸ່ມ B ເອັສຣາ ເອັຟຊີ ແຊັມກຸ່ມ ແລະ ມາສເຕີ ເຊເວັ້ນ ຮອງແຊັມກຸ່ມ.
-ກຸ່ມ C ກອງທັບ ເອັຟຊີ ແຊັມກຸ່ມ ແລະ ນະຄອນຫຼວງ ຮອງແຊັມກຸ່ມ.
-ກຸ່ມ D ດີເຄ ເອັຟຊີ ແຊັມກຸ່ມ ແລະ ມຊ ເອັຟຊີ ຮອງແຊັມກຸ່ມ.
ສໍາລັບ ຮອບ 8 ທີມສຸດທ້າຍ ແມ່ນຈະກັບມາແຂ່ງຂັນໃນທ້າຍອາທິດນີ້ ແລະ ຈະຈັບສະຫຼາກແບ່ງສາຍປະກົບຄູ່ແຂ່ງຂັນໃນມື້ນີ້ ( 22 ສິງຫາ ແລະ ຈະລາຍງານໃຫ້ຊາບພາຍຫຼັງ ) ໂດຍແບ່ງອອກເປັນ 2 ກຸ່ມ ເຊິ່ງໃນຮອບນີ້ຈະໃຊ້ຮູບແບບການແຂ່ງຂັນແບບພົບກັນໝົດ (ໄປ-ກັບ) ແຕ່ລະທີມຈະໄດ້ແຂ່ງ 6 ນັດ ກຸ່ມລະ 4 ທີມ, ສ່ວນການຄິດໄລ່ຄະແນນໃນຮອບແບ່ງກຸ່ມ ແມ່ນເປັນໄປດັ່ງຕໍ່ໄປນີ້: ຊະນະໄດ້ 3 ຄະແນນ, ສະເໝີໄດ້ 1 ຄະແນນ ແລະ ເສຍໄດ້ 0 ຄະແນນ ເພື່ອຄັດເອົາທີມທີ່ໄດ້ຄະແນນອັນດັບ 1 ແລະ ອັນດັບ 2 ຂອງແຕ່ລະກຸ່ມ ໄປຫຼິ້ນໃນຮອບຮອງຊະນະເລີດ ຕໍ່ໄປ.
ຮູບຈາກ: ບານເຕະສາຍ ກ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment