ພິກທັກ ກອງມະທິລາດ ນັກເຕະສາລະພັດປະໂຫຍດຂອງທີມຊາດລາວ ລຸ້ນອາຍຸບໍ່ເກີນ 23 ປີ ເໝົາຍິງຄົນດຽວ 3 ປະຕູຊ່ວຍໃຫ້ທີມຊາດລາວ ເອົາຊະະນ ບຣູໄນ 3-0 ໃນຕອນແລງຂອງວັນທີ 21 ສິງຫາ 2017 ໃນການແຂ່ງຂັນບານເຕະຊາຍ ງານມະຫາກໍາກີລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ.
ຈາກຜົນດັ່ງກ່າວ ສາມາດຮຽກຊັດທາໃຫ້ກັບແຟນບານຊາວລາວກັບມາ ແລະ ເກັບໄຊຊນັດທໍາອິດໃນການແຂ່ງຂັນລາຍການດັ່ງກ່າວ ຈາກການລົງສະໜາມ 3 ນັດຊະນະ 1 ແລະ ເສຍ 2 ນັດ ມີ 3 ຄະແນນ ຢູ່ອັນດັບທີ 4 ຂອງຕາຕະລາງເຊັ່ນເຄີຍ.
 |
| ພິທັກ ນັກເຕະຈາກ ລາວໂຕໂຢຕ້າ |
ສ່ວນນັດຕໍ່ໄປ ທີມຊາດລາວ ຈະລົງສະໜາມນັດສຸດທ້າຍຂອງຮອບແບ່ງກຸ່ມໆ A ພົບກັບ ເຈົ້າພາບ ມາເລເຊຍ ໃນວັນທີ 23 ສິງຫານີ້ ເວລາ 20:45 ໂມງ.
ສໍາລັບ ພິທັກ ເກີດເມື່ອວັນທີ 6 ສິງຫາ 1996 ທີ່ບ້ານສີຖານໃຕ້ ເມືອງຫາດຊາຍຟອງ ນະຄອນຫຼວງວຽງຈັນ ໂດຍຫຼ້າສຸດເມື່ອປີ 2015 ກອງທັບ ຖອນຕົວຈາກລາວລີກ ແລະ ລ້ານຊ້າງ ຢູໄນເຕັດ ທີມມະຫາເສດຖີຂອງງລາວລີກ ໄດ້ດຶງຕົວ ພິທັກ ໄປຮ່ວມທີມໃນສັນຍາຢືມຕົວ 1 ປີ ແລະ ພິກທັກ ກໍ່ເປັນສ່ວນໜຶ່ງຊ່ວຍໃຫ້ ລ້ານຊ້າງ ຄວ້າຮອງແຊັມລາວລີກ 2015 ເຊິ່ງຫຼັງຈາກຈົບລາວລີກປີດັ່ງກ່າວ ພິທັກ ກັບໄປຮັບໃຊ້ສະໂມສອນກອງທັບ ອີກຄັ້ງ ແລະ ປັດຈຸບັນແມ່ນຫຼິ້ນໃຫ້ກັບ ລາວໂຕໂຢຕ້າ ເອັຟຊີ ແລະ ຊ່ວຍທີມຄວ້າແຊັມລາວພຣີເມຍລີກ 2017.
ເຊິ່ງການມາຮ່ວມຊີເກມຄັ້ງນີ້ ເປັນຄັ້ງທໍາອິດຂອງ ພິທັກ ແລະ ກໍ່ເປັນນັດທໍາອິດທີ່ລາວຍິງປະຕູໃນຊີເກມ ໄດ້ອີກດ້ວຍ ແຕ່ຄັ້ງນີ້ເໝົານັດດຽວ 3 ປະຕູ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment