ການແຂ່ງຂັນນັດມິດຕະພາບ ເມື່ອຕອນແລງວັນທີ 23 ສິງຫາ 2017 ແຂ່ງຂັນຢູ່ທີ່ສະໜາມກິລາ ໂຮງຮຽນຂອນແກ່ນ ແຂວງ ຂອນແກ່ນ ປະເທດໄທ ເຊິ່ງ ທີມຊາດຍິງລາວ ຢູ 16 ສະເຫມີ ໂຮງຮຽນກິລາ ຂອນແກ່ນ ( Khon kaen School ) ຢູ 17 ໄປດ້ວຍຄະແນນ 2-2.
ທີມຊາດຍິງ ລາວ ຢູ 16 ໄດ້ປະຕູຈາກ ເບີ 17 ຫນູແດງ ສີປະສົງ ແລະ ເບີ 10 ອາພັດຊະລາ ຈັນທະວົງໄຊ.
ສຳລັບ ລາຍການຕໍ່ໄປ ທີມຊາດຍິງລາວ ຢູ 16 ມີນັດລົງແຂ່ງຂັນມິດຕະພາບນັດຕໍ່ໄປ ຈະມີຂຶ້ນໃນວັນສຸກ 25 ສິງຫາ 2017 ເວລາ 16:30 ໂມງ ທີມຊາດຍິງລາວ ຢູ 16 ພົບ ຫີນໂຄນ ອະຄາເດມີ ( HINKHON ACADEMY ) ຈາກ ແຂວງ ສຸລິນ ປະເທດ ໄທ ແຂ່ງຂັນຢູ່ທີ່ສະຫນາມກິລາກາງແຂວງຫນອງຄາຍ ປະເທດໄທ.
ສ່ວນຕາຕະລາງ ການແຂ່ງຂັນຂອງ ນັກເຕະສາວລາວ ຢູ 16 ປີໃນບານເຕະຊີງແຊັມອາຊີ 2017 ຮອບສຸດທ້າຍ ຖືຈັບຢູ່ກຸ່ມ A ມີດັ່ງນີ້:
- ວັນທີ 10 / 09 / 2017 ເວລາ 19:00 ທີມຊາດລາວ ພົບ ທີມຊາດໄທ ແຂ່ງຂັນຢູ່ທີ່ສະຫນາມ Chonburi Stadium, Chonburi.
- ວັນທີ 13 / 09 / 2017 ເວລາ 17:00 ທີມຊາດລາວ ພົບ ທີມຊາດ ສປ ຈີນ ແຂ່ງຂັນຢູ່ທີ່ສະຫນາມ Institute of Physical Education Stadium,Chonburi .
- ວັນທີ 16 / 09 / 2017 ເວລ 18:00 ທີມຊາດລາວ ພົບ ທີມຊາດ ສ.ເກົາຫລີ ແຂ່ງຂັນຢູ່ທີ່ສະຫນາມ Institute of Physical Education.
ເຊິ່ງທີມທີ່ໄດ້ອັນດັບ 1 ຫາ ອັນດັບ 3 ລາຍການນີ້ຈະໄດ້ຜ່ານເຂົ້າໄປຫລິ້ນບານເຕະຊີງແຊ້ມໂລກ ລຸ້ນອາຍຸບໍ່ເກີນ 17 ປີ ທີ່ປະເທດ ອຸຣຸກວາຍ ໃນປີ 2018.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment