ສະບາຍດີມື້ນີ້ ລາວອັບເດດ ໄດ້ຂໍອະນຸຍາດ ນ້ອງລູກນໍ້າ ທິດາ ລັດ ວົງສິລິ ນາງສາວລາວປີ2011 ນໍາເອົາບົດສຳພາດຕໍ່ສື່ມວນຊົນຂອງປະເທດໄທ ມານຳສະເຫນີ ກ່ຽວກັບບັນຫາ ເມຍນ້ອງຫ້ອຍເມຍປາຍວ່າ ນ້ອງລູກນໍ້າມີທັດສະນະຄືແນວໃດ.?
ລູກນໍ້າໄດ້ຕອບຄຳຖາມ ເລື່ອງນີ້ວ່າ:
ແມ່ຈະບອກສະເໝີວ່າທຸກຢ່າງຂຶ້ນຢູ່ກັບເຮົາ ຕັ້ງແຕ່ຍັງນ້ອຍເລີຍ ແມ່ບໍ່ເຄີຍຊື້ຂອງໃຫ້ ຢາກໄດ້ຫຍັງຕ້ອງຊື້ເອງ ຢ່າງຕອນອາຍຸ12 ປີ ນໍ້າຍາກໄດ້ເສື້ອຜ້າ ຫລື ເກີບງາມໆ ນໍ້າກໍຫາເງິນດ້ວຍການເອົາເຄື່ອງໄປຂາຍທີ່ໂຮງຮຽນ: ຊື້ຕ່າງຫູຈາກຕະຫລາດຂາຍສົ່ງໄປຂາຍຕໍ່ໃຫ້ໝູ່.
ນອກນັ້ນ ແມ່ບໍ່ມັກຫລາຍ ຖ້າເຮົາໄປຄົບ ຫລື ໂອ້ລົມກັບຜົວຄົນອື່ນ ເຊິ່ງເຮົາບໍ່ເຄີຍມີຄວາມຄິດແບບນີ້ຢູ່ແລ້ວ ເພາະເຮົາເຄີຍມີປົມດ້ອຍ ເຄີຍເຫັນພໍ່ມີເມຍນ້ອຍ(ນໍ້າບໍ່ໄດ້ວ່າພໍ່ ນໍ້າພຽງເລົ່າໃຫ້ຟັງ) ແລ້ວເຫັນແມ່ນອນຮ້ອງໄຫ້ທຸກມື້.
ພາບມື້ນັ້ນຍັງຈື່ໄດ້ບໍ່ຮູ້ລືມ ນໍ້າກໍເລີຍຕັ້ງຫມັ້ນ ໄວ້ ວ່າເຮົາຈະບໍ່ເຮັດໃຫ້ຄົນອື່ນຮ້ອງໄຫ້ເພາະເຮົາ ນໍ້າຈະບໍ່ເຂົ້າໄປຫຍຸ້ງກັບຜົວຄົນອື່ນເດັດຂາດ.
ປັດຈຸບັນ ນ້ອງລູກນໍ້າ ທິດາລັດ ວົງສິລິ ຖືເປັນແມ່ຍິງລາວ ທີ່ປະສົບຜົນສຳເລັດທີ່ສຸດໃນວົງການບັນເທີງຂອງບ້ານເຮົາ ນອກຈາກມີຜົນງານຫລາຍຢ່າງໃນລາວແລ້ວ ຍັງມີຜົນງານແລະເປັນທີ່ນິຍົມຊົມຊອບຂອງແຟນໆ ປະເທດໄທນຳ.
ຫລ້າສຸດລູກນໍ້າໄດ້ຮ່ວມສະແດງລະຄອນ ນາລີ ຜິສາດ ຢູ່ປະເທດໄທ ໂດຍຮັບບົດເປັນນາງເອກ ເຊິ່ງຈະເຂົ້າສາຍໃນໂຮງໃນທ້າຍປີນີ້.
ລູກນໍ້າ ທິດາລັດ ວົງສິລິ
ລູກນໍ້າ ທິດາລັດ ວົງສິລິ
ລູກນໍ້າ ທິດາລັດ ວົງສິລິ
ລູກນໍ້າ ທິດາລັດ ວົງສິລິ
ຂອບໃຈຮູບຈາກ louknum vongsili
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment