ງານບຸນເດືອນ 9 ຫໍ່ເຂົ້າປະດັບດິນຊ່ວງເຮືອທີ່ຍຶ່ງນໍ້າຄານ ເມືອງມໍລະດົກໂລກ ຫຼວງພະບາງ ທີ່ໄດ້ຈັດຂື້ນຢ່າງຄືກຄື້ນໃນ ວັນທີ 21 ສິງຫາ 2017 ນີ້ ກົງກັບມື້ແຮມ 14 ຄໍ່າເດືອນ 9, ມີເຮືອເຂົ້າຮ່ວມແຂ່ງຂັນທັງຫມົດ 32 ລໍາ,ການແຂ່ງຂັນປະຊັນແຮງກັນເທິງຫນ້ານໍ້າຂອງທີມສີພາຍແຕ່ລະລໍາໄດ້ເລີ່ມຂື້ນຢ່າງເປັນທາງການນັບແຕ່ໄດ້ເປີດພິທີແຂ່ງຂັນໃນ ເວລາ 9:00 ໂມງ.
ເປີດສາກລ່ອງທໍາອິດແມ່ນການແຂ່ງຂັນກັນລະຫວ່າງເຮືອນາງດໍາ-ນາງດອນ ບັນຍາກາດກໍ່ເລີ່ມຄຶກຄື້ນສຽງກອງຊົມກອງເຊຍທີ່ໄດ້ຫລັ່ງໄຫລກັນເຂົ້າມາຢູ່ສອງຝາກຝັງແມ່ນໍ້າຄານນັບແຕ່ຈຸດປ່ອຍເຮືອຈົນເຖິງຜາມໄຊ ສົ່ງສຽງຟົດສະນັ່ນດັງກ້ອງໄປທົ່ວບໍລິເວນຍ່າງຟົດຟື້ນມ່ວນຊື່ນຈົນຕິດຂອບນໍ້າທັງສອງຟາກ.
ຈົນຮອດ 5:30 ໂມງເຊິ່ງເປັນການແຂ່ງຂັນຮອບຊິງຊະນະເລີດລະຫວ່າງເຮືອຊ່ວງບໍລິສັດພັນທະມິດກໍ່ສ້າງຂົວ-ທາງແຂວງໄຊຍະບູລີ (ໂຕເຮືອ ແລະ ສີພາຍນາວາສັກສິດ)ກັບ ເຮືອຊ່ວງອົງການໄອຍາການປະຊາຊົນແຂວງຫຼວງພະບາງ (ສີພາຍ ບ.ຫາດສ້ຽວ+ບ.ຫາດໄຊ+ບ.ປຸ່ງເຫນືອ+ເທບອຳມະລິນ ບ.ນາລ້ອງ)ທ່າມກາງບັນດາກອງເຊຍສອງຟາກຝັງແມ່ນໍ້າຄານ ຜູ້ທີ່ນັ່ງຕັ່ງກໍ່ໄດ້ລຸກຂື້ນເຊຍກັນສົ່ງສຽງຮ້ອງໂຫ່ຍ່າງບໍ່ຂາດສາຍ, ໃກ້ເຖິງຫຼັກໄຊເທົ່າໃດກໍຍິ່ງໂຫ່ຮ້ອງແຮງຂື້ນເທົ່ານັ້ນ ຈົນໃນທີ່ສຸດເຮືອຊ່ວງຂອງບໍລິສັດພັນທະມິດກໍ່ສ້າງຂົວ-ທາງແຂວງໄຊຍະບູລີ ກໍ່ໄດ້ກ້າວເຂົ້າເຖິງຫຼັກໄຊກ່ອນ ເຊິ່ງກາຍກັນພຽງ 2-3ຂັ້ນເຮືອເທົ່ານັ້ນ ເຮັດໃຫ້ກອງເຊຍຂອງອົງການໄອຍາການປະຊາຊົນແຂວງຫຼວງພະບາງຜິດຫວັງ ແລະ ຮັບເອົາລາງວັນທີ 2 ໄປຄອງເປັນປີທີສອງ ຈາກນັ້ນກໍ່ໄດ້ຈັດພິທີມອບລາງວັນໃຫ້ແກ່ສີພາຍເຮືອຊ່ວງ.
ສ່ວນອັນດັບທີ3: ທະນາຄານການຄ້າຕ່າງປະເທດ ສາຂາແຂວງຫລວງພຣະບາງ (ສີພາຍກອງພັນໃຫຍ່ປ້ອງກັນອາກາດ642 ມ.ບໍລິຄັນ ຂ.ບໍລິຄຳໄຊ)
ອັນດັບທີ4: ບ.ສ.ໂຂ້ ອິນແປງ ກໍ່ສ້າງ-ຂົວທາງ ໄຊຍະບູລີ (ສີພາຍໄກທອງ ທະຫານແຂວງ ຂ.ບໍລິຄຳໄຊ
ອັນດັບທີ5: ນ.ຫົງຟ້າ ບ.ສ.ແສງເພັດ ໄຟຟ້າ ກໍ່ສ້າງ-ຂົວທາງ (ສີພາຍ ບ.ແສນດິນ ມ.ນາຊາຍທອງ ນວ)
ອັນດັບທີ6: ນະຄອນຫລວງ2-ເຮືອຊ່ວງເມືອງຊຽງເງີນ1 (ສີພາຍ ບ.ທ່າແຂກ ມ.ຫາດຊາຍຟອງ ນວ)
ອັນດັບທີ7: ໂຮງງານຊີມັງອຸດົມໄຊ (ສີພາຍເທບພອນໄຊ+ຫາດສ້ຽວ)
ອັນດັບທີ8: ບ.ນູນສະຫວາດ
ສຳລັບລາງວັນທີ1 ໄດ້ຮັບຂັນເງີນສົດຄອງຊະນະເລີດນໍ້າຫນັກ 1,5 ກິໂລ ຈໍານວນ 1 ຫນ່ວຍ ມູນຄ່າ 18 ລ້ານກີບ, ຂັນເງີນ ຊະນະເລີດຫນັກ 1ກິໂລ 1ຫນ່ວຍ ມູນຄ່າ 11 ລ້ານກີບ, ເງີນສົດ 15 ລ້ານ ກີບ ລວມທັງຫມົດ 44 ລ້ານກີບ.
ລາງວັນທີ 2 ເຮືອຊ່ວງອົງການໄອຍາການປະຊາຊົນແຂວງຫຼວງພະບາງ ໄດ້ຮັບຂັນເງີນຫນັກ 0,8 ກິໂລ 1ຫນ່ວຍ ມູນຄ່າ 9 ລ້ານ ພ້ອມເງີນສົດ 14 ລ້ານກີບ, ລວມທັງຫມົດ 23 ລ້ານກີບ
ທີ 3 ເຮືອຊ່ວງນາວາຜານາກ ເມືອງປາກອູ-ທະນາຄານການຄ້າຕ່າງປະເທດລາວມະຫາຊົນ ໄດ້ຮັບຂັນເງິນ 0.5 ກິໂລ 1 ຫນ່ວຍ ມູນຄ່າ 6 ລ້ານກີບ, ເງີນສົດ 13 ລ້ານກີບ ລວມ 19 ລ້ານກີບ
ທີ 4 ບໍລິສັດໂຂ້ ອິນແປງກໍ່ສ້າງ-ຂົວທາງ ແຂວງໄຊຍະບູລີ ໄດ້ຮັບເງີນສົດ 12 ລ້ານກີບ ແລະ ລາງວັນອື່ນໆຕາມລໍາດັບ.
ນອກນັ້ນຍັງມີລາງວັນເຮືອງາມຕື່ມອີກ 3 ລາງວັນ.
ເບິ່ງວິີດິໂອຊ່ວງເຮືອທີ່ຍື່ງຄານ ຫຼວງພະບາງ
ຂອບໃຈຮູບຈາກຊຸມຊົນຄົນຮັກເຮືອຍາວ ชุมชนคนฮักเฮือยาว,Luang Prabang Moradok
-----------------
Laos Update : ໃຫ້ທ່ານຫຼາຍກວ່າຂ່າວ
&via=stc_network)
0 comments:
Post a Comment