ກຸນລະນັດ ຟອງສະຫວັນ ຫລື ນັດ ເປັນອີກຫນຶ່ງສາວນ້ອຍທີ່ຫນ້າຕິດຕາມ ດ້ວຍຄວາມສາມາດ ແລະ ຄວາມຫນ້າຮັກຂອງສາວນ້ອຍຈາກເມືອງ ເຊໂປນ ເຮັດໃຫ້ມີ ຜູ້ຕິດຕາມໃນເຟດບຸກຢ່າງຢ່າງຫຼວງຫລາຍ ໃນປັດຈຸບັນ ແລະກາຍເປັນໄອດໍ ຂອງໄວລູ້ນໄປແລ້ວ.
ກຸນລະນັກ ເປັນທີ່ຮູ້ຈັກຂຶ້ນມາຫຼັງຈາກຜ່ານໂຄງການປະກວດ ສາວຜົມງາມ Sunsilk Girl Search 2 ເຊິ່ງເປັນຜູ້ຊະນະເລີດນັ້ນເອງ.
ຈາກນັ້ນມາສະແດງຊີຣີ ຮັກນີ້ສີບົວ (on your side the series) ເປັນເລື່ອງລາວຊີວິດ ແລະຄວາມຮັກຂອງສາວຈາກຊົນນະບົດ ກໍຄື: ບົວສີ (ນາງເອກ) ຊຶ່ງໄດ້ເດີນທາງມາຮຽນຕໍ່ທີ່ຕົວເມືອງໃຫຍ່ ເຮັດໃຫ້ບົວສີໄດ້ພົບ ພໍ້ກັບຫຼາຍ ສິ່ງ ຫຼາຍຢ່າງທີ່ທ້າທາຍ ທີ່ສຳຄັນໄດ້ເຮັດໃຫ້ນາງຮູ້ຈັກເຖິງຄວາມຮັກ ແລະມິດຕະພາບຈາກຊາຍໜຸ່ມທັງ 4 ຄົນທີ່ພ້ອມຈະຢູ່ຄຽງຂ້າງ ແລະຊ່ວຍເຫຼືອນາງໃຫ້ປະສົບຜົນສຳເລັດໃນສິ່ງທີ່ໄຝ່ຝັນ.
ເຊິ່ງໄດ້ປ່ອຍໃຫ້ເບິ່ງທາງຢູທູບມາໄດ້ໄລຍະຫນຶ່ງແລະປັດຈຸບັນມີຜູ້ເຂົ້າເບິ່ງຊິຣີດັງກ່າວທະລຸ2 ລ້ານກວ່າວິວແລ້ວ.
ກຸນລະນັດ ຟອງສະຫວັນ (ນັດ) ອາຍຸ 18 ປີ, ປັດຈຸບັນກຳລັງສຶກສາຢູ່ທີ່ ໂຮງຮຽນ ມສ ນາບໍ່ ຫ້ອງ ມໍ 6 ຂຶ້ນມໍ7 ໃນສົກຮຽນຊິມາ , ບ້ານ ຢູ່ປັດຈຸບັນແມ່ນ ໂພນມ່ວງ ເມືອງເຊໂປນ ແຂວງສະຫວັນນະເຂດ.
ນັດນ້ອງມີນ້ອງສາວ1ຄົນໂດຍ ນັດເປັນເອື້່ອຍກົກ ຄວາມຝັນແລະອະນາຄົດຂອງນັດເຜິຍກັບລາວອັບເດດວ່າກໍຄືຢາກເປັນດາລານັກສະແດງແລະອາຊີບທີ່ຢາກເຮັດໄປດ້ວຍ ກໍຄືແອຣ໌ໂຮສເຕສ.
ການສະແດງ ຮູບເງົາຊີຣີ ຮັກນີສີິບົວ ຄ້ອນຂ້າງຍາກໃນການບິ້ວອາລົມເລື່ອງທີ່ເສົ້າ ເສຍໃຈ ມີນ້ຳຕາ ບົດຮຽນທີ່ໄດ້ມາ ເຮັດໃຫ້ນັດຮູ້ວ່າ ຄວາມຮັກທີ່ແທ້ຈິງນັ້ນ ບໍ່ຈຳເປັນຕ້ອງໄດ້ຄອບຄອງ ພຽງແຕ່ເຮັດໃຫ້ຄົນທີ່ເຮົາຮັກມີຄວາມສຸກ ເຮົາກໍມີຄວາມສຸກ ໃນຮູບເຮົາເລື່ອງນີ້
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment