ຢູ່ລາວປະຈຸບັນມີເຂື່ອນເກີດຂຶ້ນຫຼວງຫຼາຍ ແຕ່ອາດຍັງມີຫຼາຍຄົນບໍ່ທັນຮູ້ຈັກວ່າທີ່ຈິງແລ້ວເຂື່ອນໃດໃນລາວທີ່ເລີ່ມຕົ້ນສ້າງກ່ອນໝູ່ຕັ້ງແຕ່ເມື່ອໃດ ມີປະຫວັດຄວາມເປັນມາແນວໃດ.
ມື້ນີ້ລາວອັບເດດຈິ່ງໄດ້ນຳເອົາເຂື່ອນນ້ຳງື່ມ1 ມາສະເໜີໃຫ້ທ່ານຜູ້ອ່ານເພື່ອຮັບຮູ້ຂໍ້ມູນບາງສ່ວນ ໂດຍເຂື່ອນແຫ່ງນີ້ຖືເປັນແຫຼ່ງໄຟຟ້າພະລັງນ້ຳທີ່ສ້າງຂຶ້ນກ່ອນໝູ່ຢູ່ປະເທດເຮົາ ແລະປະຈຸບັນຍັງສາມາດຜະລິດກະແແສໄຟຟ້າໄດ້ຢ່າງເຕັມປ່ຽມ ເພື່ອຮັບໃຊ້ປະຊາຊົນ ແລະຍັງໄດ້ເອົາເຂົ້າໃນບໍລິສັດຜະລິດ-ໄຟຟ້າລາວ ມະຫາຊົນ ເພື່ອຈຳໜ່າຍຮຸ້ນຕໍ່ມວນຊົນແລ້ວເປັນທີ່ຮຽບຮ້ອຍ ຖືວ່າປະຊາຊົນທີ່ຊື້ຮຸ້ນໄຟຟ້າແມ່ນໄດ້ເປັນຮຸ້ນສ່ວນຂອງເຂື່ອນນ້ຳງື່ມເຊັ່ນດຽວກັນ.
ທຸກວັນນີ້ເຂື່ອນນ້ຳງື່ມ1 ນັບວ່າເປັນແຫຼ່ງຜະລິດໄຟຟ້າທີ່ຄົນລາວຮູ້ຊື່ສຽງຮຽງນາມດີທີ່ສຸດ
ຫຼັງການສ້າງເຂື່ອນປະຊາຊົນອ້ອມຮອບໄດ້ມີຊີວິດທີ່ປ່ຽນໄປ ຍ້ອນການທ່ອງທ່ຽວ ແລະບໍລິການ
ເຂື່ອນນ້ຳງື່ມ1 ບໍ່ພຽງເປັນແຫຼ່ງຜະລິດໄຟຟ້າເທົ່ານັ້ນ ແຕ່ຍັງກາຍເປັນແຫຼ່ງທ່ຽວທ່ຽງຍອດນິຍົມພໍສົມຄວນກາຍເປັນທະເລເມືອງລາວໄປແລ້ວຕອນນີ້.
ທີ່ໜ້າເຂື່ອນນ້ຳງື່ມ ມີເຮືອແບບນີ້ໃຫ້ບໍລິການນຳທ່ຽວທຸກແຈມູມ ລາວບໍ່ມີທະເລທີ່ນີ້ຖືເປັນທະເລນ້ອຍທີ່ບັນຍາກາດດີທີ່ສຸດ ຫາໂອກາດໄປພັກຜ່ອນໃນຍາມວ່າງທ່ານຈະຮູ້ສຶກສົດຊື່ນ.
ຂໍຂອບໃຈຂໍ້ມູນດີໆຈາກບໍລິສັດຜະລິດ-ໄຟຟ້າລາວ ມະຫາຊົນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment