ເຈົ້າໜ້າທີ່ເມືອງໄຊຍະບູລີຈັບໄດ້ຜູ້ຄາດຕະກອນຊື່ ວິນໂນ່ມາທຳການສຶບສວນ ພາຍຫຼັງເກີດເຫດມີຄົນເສຍຊີວິດ ຊຶງເປັນນ້ອງໃພ້ຜູ່ກຽວເອງ ຍ້ອນຖືກຄາດຕະກຳ ໃນເດືອນເມສາ 2017 ຜ່ານມາ.
ຕາມຂໍ້ມູນຈາກເຈົ້າໜ້າທີ່ຕໍາຫຼວດສືບສວນ-ສອບສວນ ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກ ປະຊາຊົນ ໃນວັນທີ 21 ເມສາ 2017 ວ່າ: ມີຜູ້ຍິງເສຍຊີວິດຢູ່ຖຽງສວນຢູ່ບ້ານນາຍາວ ເມືອງໄຊຍະບູລີ. ຈາກນັ້ນ ຈຶ່ງ ໄດ້ຈັດກໍາລັງວິຊາສະເພາະສົມທົບກັບອໍານາດການປົກ ຄອງບ້ານທີ່ກ່ຽວຂ້ອງ ລົງກວດກາຊັນລະສູດສະຖານທີ່ເກີດ ເຫດພົບເຫັນຜູ້ເສຍຊີວິດ ຊື່ນາງ ທອງດາ ອາຍຸ 21 ປີ, ຜ່ານການສັນນະສູດພົບເຫັນຮ່ອງຮ່ອຍຖືກຂອງແຂ່ງກະທົບ ທີ່ງ່ອນດົ້ນ 1 ຈຸດ ຂະໜາດກວ້າງ 1 ຊັງ ຕີແມັດ, ເລິກ 4 ຊັງຕີແມັດ ແລະ ມີນໍ້າເມືອກໄຫຼ ອອກຈາກຊ່ອງຄອດຂອງຜູ້ ເສຍຊີວິດ; ບໍລິເວນສະຖານທີ່ເກີດເຫດພົບເຫັນມີດແຫຼມ ຂະໜາດ 44 X 4,5 ຊັງຕີແມັດ 1 ດວງ. ຈາກນັ້ນ, ເຈົ້າໜ້າທີ່ຈຶ່ງໄດ້ສັງລວມບັນດາຂໍ້ມູນ ຫຼັກຖານ ພ້ອມທັງດໍາເນີນການສືບສວນ-ສອບສວນ ຂຶ້ນເປົ້າໝາຍຜູ້ຖືກສົງໃສຊື່ທ້າວ ວິນໂນ່ ອາຍຸ 34 ປີ ບ້ານນາຍາວ ເມືອງ ໄຊຍະບູລີ ແຂວງໄຊຍະບູລີ ພ້ອມທັງຕາມຈັບ ຕົວໄປສອບສວນ.
ຜ່ານການສອບສວນ ຜູ້ກ່ຽວໄດ້ສາລະພາບເປັນຜູ້ລົງມື້ກໍ່ເຫດແທ້ ສາເຫດລົງມືກໍ່ເຫດຄາດຕະກໍາຄັ້ງນີ້ ແມ່ນຍ້ອນຄວາມມຶນເມົາ ແລະ ມີຄວາມກັງວົນໃຈຢ້ານຄອບຄົວ; ຍາດຕິພີ່ນ້ອງຮູ້ເລື່ອງສ່ວນຕົວ ກັບຜູ້ຕາຍທີ່ໄດ້ພົວພັນກັບນາງ ທອງດາ ຜູ້ເປັນນ້ອງໃພ້ແບບຊູ້ສາວ ເຊິ່ງຜູ້ເປັນນ້ອງຊາຍ ຫຼື ຜົວຜູ້ເສຍຊີວິດ ຂັບລົດໄປຕ່າງແຂວງ ດົນໆຈຶ່ງກັບມາ; ເຊິ່ງໄດ້ມີການລັກລອບ ພົວພັນແບບຊູ້ສາວກັນມາ ແຕ່ເດືອນທັນວາ 2015 ເປັນຕົ້ນມາ ແລະ ໄດ້ມີການເສບສົມກັນຫຼາຍຄັ້ງ. ພໍຢູ່ມາໄລຍະໜຶ່ງທ້າວ ວິນໂນ່ ກໍໄດ້ບອກໃຫ້ນາງ ທອງດາ ກັບຄືນໄປຢູ່ບ້ານເກີດ ຫຼື ໃຫ້ໄປຢູ່ສວນ ເພື່ອພະຍາຍາມຫ່າງເຫີນ ແລະ ກ້າວໄປເຖິງການ ຍຸດຕິການພົວພັນກັນແບບຊູ້ສາວ; ເພາະຢ້ານຄອບຄົວ, ຍາດຕິພີ່ນ້ອງ ແລະ ການຈັດຕັ້ງ ຮູ້ເລື່ອງນໍາ, ແຕ່ນາງ ທອງດາ ຜູ້ເປັນນ້ອງໃພ້ບໍ່ຍອມປະຕິບັດຕາມ.
ມື້ເກີດເຫດແມ່ນວັນທີ 21 ເມສາ 2017, ທ້າວ ວິນໂນ່ ໄດ້ໄປຮ່ວມພິທີບາສີສູ່ຂວັນປີ ໃໝ່ລາວ ຢູ່ຫ້ອງການກຸ່ມບ້ານນາຍາວ ເມືອງໄຊຍະບູລີ. ເວລານັ້ນ, ຜູ້ກ່ຽວໄດ້ດື່ມເຫຼົ້າຈົນ ມຶນເມົາ; ພໍຮອດ ເວລາປະມານ 14:00 ໂມງ ຈຶ່ງກັບບ້ານ ພໍຂີ່ລົດຈັກໄປຮອດທາງແຍກ ເຂົ້າສວນຂອງນ້ອງໄພ້. ທ້າວ ວິນໂນ່ ໄດ້ຂີ່ລົດຈັກເຂົ້າໄປຕິດຕາມເບິ່ງນາງ ທອງດາ ຢູ່ ສວນ ເຊິ່ງຫ່າງຈາກທາງໃຫຍ່ປະມານ 300 ແມັດ. ພໍເດີນທາງໄປເຖິງຈຸດເກີດເຫດ, ຜູ້ກ່ຽວ ໄດ້ຈອດລົດຈັກປະໄວ້ແຄມສວນ. ຈາກນັ້ນ, ກໍໄດ້ຍ່າງເຂົ້າໄປເຫັນນາງ ທອງດາ ນອນຫຼັບຢູ່ ຄົນດຽວ, ຈຶ່ງເກີດມີແນວຄິດຢາກລົງມືຄາດຕະກໍາ ຍ້ອນຄວາມກັງວົນໃຈບວກກັບຄວາມ ມຶນເມົາ; ຈາກນັ້ນ, ທ້າວ ວິນໂນ່ ໄດ້ໄປຈັບເອົາເຫຼັກຍາວປະມານ 30 ຊັງຕີແມັດ ຕີໃສ່ຫົວ ( ງ່ອນດົ້ນ ) ຂອງນາງ ທອງດາ 1 ບາດ ເຮັດໃຫ້ນາງ ທອງດາ ດີ້ນຊັກຢູ່ກັບພື້ນ. ຈາກນັ້ນ, ໄດ້ປີ້ນຕົວຂອງນາງ ທອງດາ, ແລ້ວນໍາເອົາມີດຢູ່ກ້ອງໂຕະໂທລະພາບ ມາຕັດເສື້ອ, ແຫກໂສ້ງຂອງນາງ ທອງດາ ອອກ, ແລ້ວກໍລົງມືເສບສົມ 1 ຄັ້ງ, ແລ້ວກໍໄດ້ ນໍາເອົາຜ້າ ຫົ່ມມາປົກຫຸ້ມຫໍ່ໄວ້, ແລ້ວຂີ່ ລົດໄປແຄມນໍ້າຮຸ່ງ ພ້ອມນໍາເອົາເຫຼັກທີ່ນໍາໃຊ້ເຂົ້າໃນ ການກໍ່ເຫດ ແລະ ໂທລະສັບຂອງນາງ ທອງດາ ໂຍນລົງນໍ້າ ເພື່ອທໍາລາຍ ຫຼັກຖານ. ຈາກນັ້ນ, ຜູ້ກ່ຽວໄດ້ ລ້າງມືທໍາຄວາມສະອາດແລ້ວກັບຄືນໄປນັ່ງດື່ມເຫຼົ້າຢູ່ຫ້ອງ ການກຸ່ມບ້ານຄືເກົ່າ ເຮັດແບບວ່າບໍ່ມີຫຍັງເກີດຂຶ້ນ.
ຂ່າວໃຈແຫຼ່ງຂ່າວ: ປກສ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment