ຄວາມໂລບມາກຂອງຄົນມັນເກີດຂຶ້ນໄດ້ທຸກເມື່ອຫາກບໍ່ໄດ້ຫັກຫ້າມຊັ່ງໃຈ ເພື່ອນບ້ານຂ້າມຮົ້ວກໍ່ລັກທົ່ວທີບລືມຄິດວ່າຍັງຈະເຫັນໜ້າກັນ.
ດັ່ງກໍລະນີນີ້ ທີ່ຫາກໍ່ເກີດຂຶ້ນໃໝ່ໆໃນວັນທີ 21/8/2017 ຜູ້ເສຍຫາຍບໍ່ເຄີຍຄາດຄິດວ່າ ໄພອັນຕະລາຍນັ້ນຈະຢູ່ຂ້າງກາຍໂຕເອງ ຊຶ່ງກໍ່ຄືບ້ານໃກ້ເຮືອນຄຽງຮູ້ຈັກກັນດີ ຊຶ່ງໂຈນໄດ້ລັກລອບເຂົ້າມາໃນເຮືອນ ແລະ ປຸ້ນຊັບສິນກໍ່ຄື ເຄື່ອງປະດັບທີ່ເຮັດດ້ວຍຄຳ ແລະ ຄອມພິມເຕີໂນດບຸກ 1 ເຄື່ອງໄປ.
ແຕ່ຜ່ານໄປພຽງ 1 ວັນເຈົ້າຂອງຊັບແມ່ນສາມາດຮູ້ຕົວຜູ້ກະທຳຜິດໄດ້ ພາຍຫຼັງໄດ້ແຈ້ງຕໍ່ທາງເຈົ້າໜ້າທີ່ ເພື່ອທຳການສືບສວນສອບສວນຈົນສາມາດນຳຫາຜູ້ກໍ່ເຫດໄດ້ ແລະ ສາມາດນຳຊັບກັບຄືນໂດຍທີ່ໂຈນຍັງບໍ່ໄດ້ນຳເຄື່ອງປະດັບໄປຂາຍ ແລະ ນຳຊຸກເຊື່ອງໄວ້ໃນລຳໂພງພາຍໃນເຮືອນ
ແຕ່ທີ່ໜ້າຕົກໃຈທີ່ສຸດນັ້ນກໍ່ຄື ຄົນຂ້າງເຮືອນກາຍເປັນໂຈນ ໂດຍທີ່ເຈົ້າຂອງຊັບບໍ່ເຄີຍສົງໄສ ແລະບໍ່ຄິດວ່າຄົນໃກ້ໂຕຈະລັກລອບເຂົ້າມາຕິດຕາມການເຄື່ອນໄຫວພາຍໃນເຮືອນຕະຫຼອດມາຈົນຮູ້ວ່າມີຊັບສິນມີຄ່າໃນເຮືອນແບບນີ້ ແລະ ຮູ້ຮອດບ່ອນເກັບມ້ຽນນຳອີກ.
 |
ເຈົ້າຂອງຊັບສິນ ເມື່ອເຄື່ອງຂອງມີມູນຄ່າສູງສູນຫາຍສິ່ງໜຶ່ງທີ່ຄິດອອກຄືຂໍໃຫ້ຮ້ານຄຳຊ່ວຍເປັນຫູເປັນຕາ ເພາະຈັ່ງໃດຄົນຂີ້ລັກຕ້ອງເອົາໄປຂາຍ.
ສະພາບທີ່ປະໄວ້ໃຫ້ເຈົ້າຂອງຊັບມາເບິ່ງຕາງໜ້າ ຫຼັງໂຈນເອົາຊັບທັງໝົດອອກແລ້ວ.
ມັກຈະມີກໍລະນີແບບນີ້ເກີດຂຶ້ນຫຼາຍບູຮານຈິ່ງເວົ້າວ່າ ຢ່າໄວ້ໃຈທາງ ຢ່າວາງໃຈຄົນ ມັນຊິຈົນໃຈໂຕ ເພາະຄົນເຮົາຮູ້ແຕ່ໜ້າບໍ່ຮູ້ໃຈ ຈັກເຂົາຈະຄິດຄົດຕໍ່ເຮົາເມື່ອໃດ.
ຈຶ່ງຢາກຂໍຝາກເຕືອນການເກັບມ້ຽນຊັບສິນທີ່ມີຄ່າ ເພື່ອບໍ່ໃຫ້ເປັນເປົ້າໝາຍຂອງພວກທີ່ມີເປົ້າໝາຍຈະລັກຢູ່ແລ້ວ.
ຂອບໃຈແຫຼ່ງຂ່າວຈາກ: ນາທີຊີວິດ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment