ທີມຊາດຍິງລາວ ລຸ້ນອາຍຸບໍ່ເກີນ 16 ປີ ບໍ່ສາມາດຕ້ານທານຄວາມແຂ່ງແກ່ນຂອງເຈົ້າພາບຢ່າງ ສາວໄທ ຢູ 16 ກ່ອນເສຍໄປ 0-3 ໃນການແຂ່ງຂັນບານເຕະຍິງຊີງແຊັມອາຊີ 2017 ໃນວັນທີ 10 ກັນຍາ 2017.
ການແຂ່ງຂັນບານເຕະຍິງຊີງແຊັມອາຊີ 2017 ລຸ້ນອາຍຸບໍ່ເກີນ 16 ປີ ຮອບສຸດທ້າຍ ກຸ່ມ A ເປີດສາກຂຶ້ນໃນວັນທີ 10 ກັນຍາ 2017 ປະກົດວ່າ: ທີມຊາດຍິງໄທ ເອົາຊະນະ ສາວລາວ 3-0 ຈາກການຍິງຂອງ ນາງ ສັນຕິສະຫວັດ ພູມໃຈ 2 ປະຕູນາທີໆ 26 ກັບ 67 ແລະ ນາງ ຈີຣາທະນະພະວີພູລ ປານິດຖາ ນາທີໆ 45 ສົ່ງຜົນໃຫ້ ສາວລາວ ຍັງບໍ່ມີຈັກຄະແນນ, ສ່ວນສາວໄທ ຂຶ້ນເປັນທີມນໍາກຸ່ມ.
ສ່ວນຜົນອີກຄູ່ໜຶ່ງ ສປ ຈີນ ສະເໝີກັບ ສ ເກົາຫຼີ 2-2.
ຂະນະທີ່ ສາວລາວ ຍັງເຫຼືອການແຂ່ງຂັນອີກ 2 ນັດທີ່ຈະພົບກັບຍັກໃຫຍ່ອາຊີດັ່ງນີ້:
-ໃນວັນທີ 13 ກັນຍານີ້ ພົບກັບ ສປ ຈີນ ເວລາ 17:00 ໂມງ
-ໃນວັນທີ 16 ກັນຍານີ້ ພົບກັບ ສ ເກົາຫຼີ ເວລາ 18:00 ໂມງ ແຂ່ງຂັນທີ່ສະໜາມຊົນບູຣີ ປະເທດໄທ ທັງສອງນັດ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment