ເພື່ອເຮັດໃຫ້ການຈັດຕັ້ງປະຕິບັດສຶກສາຄວາມເປັນໄປໄດ້ຂອງໂຄງການໄຟຟ້າແສງຕາເວັນຢູ່ເຂດບ້ານນາພົງເມືອງປາກກະດິງ, ໃຫ້ດຳເນີນໄປຢ່າງຖຶກຕ້ອງຕາມລະບຽບກົດໝາຍການລົງທຶນແລະທ່ວງທັນຕາມກຳນົດເວລານັ້ນ.
ໃນວັນທີ6 ກັນຍານີີ້ຢູ່ຫ້ອງປະຊຸມພະແນກແຜນການແລະການລົງທຶນແຂວງບໍລິຄຳໄຊ ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ໃນການສຳຫຼວດ ແລະສຶກສາຄວາມເປັນໄປໄດ້ ຂອງໂຄງການດັ່ງກ່າວລະຫວ່າງຕ່າງໜ້າແຂວງບໍລິຄຳໄຊລົງນາມເຊັນໂດຍທ່ານພອນທິລາດສິດສາທອນຫົວໜ້າພະແນກແຜນການແລະການລົງທຶນແຂວງແລະ ທ່ານພູໂຂງພູວິໄລພອນປະທານບໍລິສັດຈີພີໂຮນດີ້ງຄໍເປີເລຊັນຈຳກັດ ພ້ອມດ້ວຍສັກຂີພິຍານເຊັນຮ່ວມທັງສອງຝ່າຍຄື: ທ່ານຄຳສິງສາຍພູວົງຮອງຫົວໜ້າພະແນກພະລັງງານແລະບໍ່ແຮ່ແຂວງ ແລະທ່ານກອນມຸ່ງຈະເລີນພອນ ໃນນາມພະຍານຝ່າຍບໍລິສັດໂດຍການຊ່ອງໜ້າທ່ານບຸນເສັງປະທຳມະວົງຮອງເຈົ້າແຂວງບໍລິຄຳໄຊແລະພະນັກງານທີ່ກ່ຽວຂ້ອງເຂົ້າຮ່ວມ.
ໃນບົດບັນທຶກການເຊັ່ນສັນຍາດັ່ງກ່າວແມ່ນຈະໃຊ້ເວລາ 18ເດືອນເພື່ອສືກສາສຳຫຼວດຄວາມເປັນໄປໄດ້ໃນການພັດທະນາໂຄງການໄຟຟ້າແສງຕາເວັນດັ່ງກ່າວແລະຄາດວ່າຖ້າໂຄງການດັ່ງກ່າວມີຄວາມເປັນໄປໄດ້ ຈະສາມາດຕິດຕັ້ງກຳລັງໄຟຟ້າ 5 ເມັກກາວັດແລະບໍລິສັດກໍມີຄວາມພ້ອມທີ່ຈະຈັດຕັ້ງປະຕິບັດໂຄງການໃຫ້ຖືກຕ້ອງແລະສອດຄ່ອງກັບລະບຽບກົດໝາຍຢ່າງເຂັ້ມງວດໂດຍສະເພາະແມ່ນປະຕິບັດຕາມເນື້ອໃນບົດບັນທຶກເພື່ອເຮັດໃຫ້ການຈັດຕັ້ງປະຕິບັດດຳເນີນໄປດ້ວຍດີ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment