ທ່ານນາຍົກລັດຖະມົນຕີຍີ່ປຸ່ນ ຊິນໂຊະ ອາເບະ ໄດ້ກ່າວຖະແຫຼງການຮ່ວມກັບທ່ານປະທານາ ທິບໍດີລັດ
ເຊຍ ວາດີເມຍ ປູຕິນ ພາຍຫຼັງການພົບປະ 2 ຝ່າຍຢູ່ນອກເວທີປາໄສເສດຖະກິດທິດຕາເວັນອອກ
ຄັ້ງທີ 3 (EEF - 3) ເຊິ່ງຖືກດຳເນີນຢູ່ນະຄອນ Vladivostok ຂອງລັດເຊຍ ໃນວັນທີ
07 ກັນຍາ.
ທ່ານ ອາເບະ ໄດ້ເນັ້ນໜັກເຖິງໄພນາບຂູ່ຈາກສປປ.ເກົາຫຼີ
ແມ່ນບັນຫາຮ້າຍແຮງ ແລະ ຮຽກຮ້ອງໃຫ້ມີປະຕິກິລິຍາຢ່າງຮີບດ່ວນ. ເຊິ່ງທ່ານກ່າວວ່ານີ້ແມ່ນໄພນາບຂູ່ຢ່າງຮ້າຍແຮງຕໍ່ສັນຕິພາບ ແລະ ສະຖຽນລະພາບໃນແຫຼມເກົາຫຼີ ແລະ
ພາກພື້ນ, ກໍຄືກັນກັບກົນໄກບໍ່ເຜີຍແຜ່ອາວຸດນິວເຄຼຍ.
ສ່ວນທ່ານປະທານາທິບໍດີ ປູຕິນ ກໍ່ໃຫ້ຮູ້ວ່າ ທ່ານ ແລະ ທ່ານນາຍົກລັດຖະມົນຕີຍີ່ປຸ່ນຊິນໂຊະອາບະ
ໄດ້ກ່າວປະນາມຢ່າງແຮງຕໍ່ເຫດຍິງທົດລອງລູກສອນໄຟນຳວິຖີຂອງສປປ.ເກົາຫຼີ
ຂ້າງຜືນແຜ່ນດິນ
ຂອງຍີ່ປຸ່ນ ໃນທ້າຍເດືອນສິງຫາ.
ຢ່າງໃດກໍຕາມ ທ່ານ ປູຕິນ ກໍ່ຢືນຢັນຄືນໃໝ່ວ່າ
ຄວາມເຄັ່ງຕຶງໃນແຫຼມເກົາຫຼີ ຕ້ອງໄດ້ຮັບການແກ້ໄຂ
ຜ່ານດ້ານການເມືອງ,
ພ້ອມທັງຖືວ່າ ວິກິດການດັ່ງກ່າວໄດ້ກໍ່ໄພນາບຂູ່ເຖິງສັນຕິພາບ ແລະ
ສະຖຽນ ລະພາບໃນພາກພື້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment