ກອງປະຊຸມລັດຖະບານເປີດກວ້າງ ຄັ້ງທີ 1 ປີ 2017 ເມື່ອວັນທີ 7- 8 ກັນຍາ 2017 ທີ່ຫໍປະຊຸມແຫ່ງຊາດ, ພາຍໃຕ້ການເປັນປະທານ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ, ເຈົ້າຄອງນະຄອນຫຼວງວຽງຈັນ, ບັນດາເຈົ້າແຂວງ, ຜູ້ຕາງໜ້າ ອົງການຈັດຕັ້ງພັກ, ສະພາແຫ່ງຊາດ, ສູນກາງແນວລາວສ້າງຊາດ, ສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ສະຫະພັນນັກຮົບເກົ່າ ພ້ອມດ້ວຍແຂກຖືກເຊີນເຂົ້າ ຮ່ວມຢ່າງ ພ້ອມພຽງ.
ກອງປະຊຸມໄດ້ສະຫຼຸຸບຕີລາຄາ ການຈັດຕັ້ງປະຕິບັດຄຳສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ການກວດກາຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້;
ກອງປະຊຸມໄດ້ຕີລາຄາສູງ ຕໍ່ຜົນການຈັດຕັ້ງປະຕິບັດ ຄຳສັ່ງດັ່ງກ່າວເປັນໄມ້ຫຼາວັດແທກໜຶ່ງ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກ, ໄດ້ສ້າງຄວາມໄວ້ເນື້ອເຊື່ອໃຈຈາກປະຊາຊົນ ໃນການປົກປັກຮັກສາຊັບພະຍາກອນທຳມະຊາດ. ພ້ອມດຽວກັນນີ້ ກໍໄດ້ມີທິດຊີ້ນຳໃຫ້ທຸກພາກສ່ວນ ສືບຕໍ່ຈັດຕັ້ງປະຕິບັດຄຳສັ່ງສະບັບເລກທີ 15/ນຍ ໂດຍບໍ່ມີກຳນົດ, ຍາມໃດທີ່ຊັບພະຍາກອນປ່າໄມ້ຂອງພວກເຮົາຍັງຖືກທຳລາຍ ໂດຍບໍ່ມີການຍົກເວັ້ນຕໍ່ຜູ້ທີ່ກະທຳຜິດ, ບໍ່ທໍ້ຖອຍ ໃນການຈັດຕັ້ງປະຕິບັດວຽກງານດັ່ງກ່າວ.
 |
| ເຈົ້າໜ້າທີ່ພາສີປະຈໍາດ່ານສາກົນນ້ຳກັ່ນ ຢຶດໄມ້ກຽມຂົນອອກນອກປະເທດເມື່ອເດືອນມິຖຸນາ 2017 |
ຄະນະສະເພາະກິດ ຕ້ອງໄດ້ສືບຕໍ່ລົງສົມທົບກັບບັນດາຂະແໜງການ ແລະ ທ້ອງຖິ່ນ ເພື່ອຊີ້ນຳ, ຕິດຕາມ ໃນການຈັດຕັ້ງປະຕິບັດ ຖ້າຫາກຍັງເຫັນວ່າ ມີບັນຫາຄົງຄ້າງແມ່ນໃຫ້ລາຍງານລັດຖະບານ ເພື່ອຂໍ້ທິດຊີ້ນຳ ແລະ ແກ້ໄຂບັນຫາດັ່ງກ່າວ ຢ່າງທັນການ.
ໃນນີ້ ກໍໃຫ້ສືບຕໍ່ແກ້ໄຂບັນຫາ ໂຮງເລື່ອຍ-ໂຮງຊອຍ ທີ່ບໍ່ໄດ້ຕາມເງື່ອນໄຂ ແລະ ມາດຕະຖານ.
 | |
| ເຈົ້າໜ້າທີ່ປະຈໍາດ່ານສາກົນນ້ຳກັ່ນ ຢຶດໄມ້ກຽມຂົນອອກນອກປະເທດເມື່ອເດືອນມິຖຸນາ 2017 |
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment