ລັດວິສາຫະກິດໄຟຟ້າລາວ ຝ່່າຍປະຕິບັດການໄຟຟ້ານະຄອນຫຼວງວຽງຈັນ ຫ້າມປະຊາຊົນກໍ່ຄືຜູ້ຊົມໃຊ້ໄຟຟ້າ 4 ຕົວເມືອງໃນຄື ເມືອງສີສັດຕະນາກ, ສີໂຄດຕະບອງ, ຈັນທະບູລີ ແລະເມືອງໄຊເສດຖາ ຫ້າມບໍ່ໃຫ້ຊຳລະເງິນຄ່າຊົມໃຊ້ກະແສໄຟຟ້າໃຫ້ກັບພະນັກງານສົ່ງໃບບິນໂດຍກົງ ນັບແຕ່ວັນທີ 1/10/2017 ເປັນຕົ້ນໄປ ແຕ່ໃຫ້ຫັນມາຊຳລະຜ່ານທ່ະນາຄານ, ປ່ອງບໍລິການຂອງໄຟຟ້າລາວ ແລະຈ່າຍຜ່ານລະບົບມືຖືແທນການໃຫ້ເງິນສົດແກ່ພະນັກງານຄືທີ່ຜ່ານມາ.
ແຈ້ງການດັ່ງກ່າວນີ້ແມ່ນມີຍົກເວັ້ນ ບ້ານ ດອນຊິງຊູ້ ມ.ສີໂຄດຕະບອງ ບ່ອນດຽວເທົ່ານັ້ນ, ສ່ວນສາເຫດຂອງການຍົກເວັ້ນຖ້າທ່ານຜູ້ອ່ານຢາກຮູ້ລົບກວນຄອມເມັ່ນມາທາງລາວອັບເດດຈະສອບຖາມໃຫ້ເພີ່ມເຕີມ.
ແນວໃດກໍ່ຕາມ ແຈ້ງການສະບັບນີ້ຂອງຝ່າຍປະຕິບັດການໄຟຟ້ານະຄອນຫຼວງຖືເປັນເລື່ອງດີ ຈະຊ່ວຍໃຫ້ເງິນທຸກກີບເຂົ້າເຖິງໄຟຟ້າໂດຍກົງ ຖືກຕ້ອງຕາມລະບົບ ທີ່ສຳຄັນສະດວກຕໍ່ຜູ້ຊົມໃຊ້ ໂດຍສະເພາະການຊຳລະຜ່ານທະນາຄານຜ່ານໂທລະສັບມືຖືແມ່ນເຖິງເວລາແລ້ວ ຜູ້ບໍ່ເຄີຍເຮັດກໍ່ຄວນເປີດບໍລິການຊົມໃຊ້ໄດ້ງ່າຍດາຍບໍ່ຊັບຊ້ອນບໍ່ຈຳເປັນຕ້ອງເສຍເວລາ, ເສຍນ້ຳມັນຂີ່ລົດໄປຈ່າຍຄ່າໄຟຟ້າອີກຕໍ່ໄປ.
ຂອບໃຈແຫຼາງຂໍ້ມູນຈາກ
ຝ່າຍປະຕິບັດການໄຟຟ້ານະຄອນຫຼວງ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment