ໝາກໄມ້ຫຼົ່ນບໍ່ໄກຕົ້ນ! ລູກອາຈານ ບຸນລັບ ຊັດໄຊຊ່ວຍທີມຢຸດສະຖິຕິຊະນະລວດ 12 ນັດຂອງ ກອງທັບ

ເໝືອນກັບສຸພາສິດລາວທີ່ວ່າ "ໝາກໄມ້ຫຼົ່ນບໍ່ໄກຕົ້ນ" ສໍາລັບ ບຸນປະເສີດ ເຄນກິຕິສັກ ລູກຂອງ ທ່ານ ບຸນລັບ ເຄນກິຕິສັກ ອະດີດກອງໜ້າຂອງທີມຊາດລາວ ກາຍເປັນຮີໂຣ ຍິງປະຕູໄຊຊ່ວຍ ສະໂມສອນ ເມືອງ ຈັນທະບູລີ ຊິຕີ້ ເອຟຊີ ຊະນະ ກອງທັບ ເອຟຊີ 2-1 ເຊິ່ງເປັນຢຸດສະຖິຕິຊະນະລວດຂອງ ກອງທັບ ໄວ້ທີ 12 ນັດຕິດ ໃນການແຂ່ງຂັນບານເຕະ ສາຍ ກໍ ໃນວັນທີ 14 ຕຸລາ 2017.

ກ່ອນໜ້ານີ້ ກອງທັບ ເອັຟຊີ ສ້າງສະຖິຕິສູງສຸດ ລົງສະໜາມ 12 ນັດ ສະກົດຄໍາວ່າ: ສະເໝີ ແລະ ເສຍບໍ່ເປັນ ເມື່ອຊະນະລວດ ແບ່ງເປັນ ຮອບແບ່ງກຸ່ມ 6 ນັດ ແລະ ຮອບ 8 ທີມສຸດທ້າຍ 6 ນັດ ຜ່ານເຂົ້າຮອບຮອງຊະເລີດ ໃນຖານະແຊັມກຸ່ມ B ໄປພົບກັບ ເມືອງຈັນທະບູລີ ຮອງແຊັມກຸ່ມ A.

ເຊິ່ງໃນວັນທີ 14 ຕຸລາ 2017 ທີ່ເດີ່ນບານເຕະຫຍ້າທຽມຂອງສະຫະພັນບານເຕະແຫ່ງຊາດລາວ ( ສຕລ ) ໄດ້ມີການແຂ່ງຂັນຮອບຮອງຊະນະເລີດ ປະກົດວ່າ: ກອງທັບ ເອັຟຊີ ໄດ້ປະຕູຂຶ້ນນໍາ 1-0 ໃນນາທີໆ 22 ຈາກການຍິງຂອງ ສຸລິຍາ ສີພະໄຊ ກ່ອນທີ່ ໄວ໊ະຍາ ສີສົງຄາມ ຈະມາຍິງປະຕີສະເໝີໃຫ້ກັບ ເມືອງຈັນທະບູລີ ນາທີໆ 39 ກ່ອນຈົບເຄິ່ງເວລາທໍາອິດໄປສະເໝີກັນ 1-1 ແລະ ນາທີໆ 85 ບຸນປະເສີດ ເຄນກິຕິສັກ ມາຍິງປະຕູໄຊໃຫ້ກັບ ເມືອງຈັນທະບູລີ ເອົາຊະນະໄປ 2-1.