ສະຫະພັນດອກປີກໄກ່ແຫ່ງຊາດລາວ ໂດຍໄດ້ຮັບການສະໜັບສະໜູນຈາກສະມາຄົມແບັດມິນຕັນແຫ່ງປະເທດໄທ ແລະ ໄດ້ຮັບການອຸປະຖຳຫຼັກຈາກບໍລິສັດ ເບຍລາວ ຈຳກັດ ຮ່ວມກັນຈັດ ການແຂ່ງຂັນດອກປີກໄກ່ລະດັບສາກົນ ລາຍການ BEERLAO INTERNATIONAL SERIES 2017 ລະຫວ່າງວັນທີ 31 ຕຸລາ - 5 ພະຈິກ 2017 ທີ່ເດີ່ນດອກປີກໄກ່ສະໂມສອນເສດຖາ (ບຶງຂະຫຍອງຫຼັງໃຫມ່) ຊິງເງິນລາງວັນລວມ 60 ກວ່າລ້ານກີບ.
ໃນນັ້ນມີນັກກິລາດາວເດັນໃນ 100 ອັນດັບທໍາອິດຂອງໂລກ ຈາກ 9 ປະເທດເຂົ້າຮ່ວມ ເພື່ອເກັບຄະນະສະສົມອັນດັບໂລກເຊັ່ນ: ໄທ, ມາເລເຊຍ, ອິນໂດເນເຊຍ, ສິງກະໂປ, ຫວຽດນາມ, ມຽນມາ, ກໍາປູເຈຍ ບາເຣນ ແລະ ສປປ ລາວ ຫຼາຍກວ່າ 200 ຄົນເຂົ້າຮ່ວມແຂ່ງຂັນກັນໃນ 5 ລາຍການຄື: ດ່ຽວຊາຍທົ່ວໄປ, ດ່ຽວຍິງທົ່ວໄປ, ຄູ່ຊາຍທົ່ວໄປ, ຄູ່ຍິງທົ່ວໄປ ແລະ ຄູ່ປະສົມທົ່ວໄປ
ທ່ານ ສາມາດ ສາມາດຊື້ປີໄດ້ທີ່ຫນ້າງານ ຫຼື ຕິດຕໍ່ມາທີ່ຫມາຍເລກ 59193355 ໂດຍມີ 3 ລາຄາດັ່ງນີ້:
1. ວັນທີ 31/10-03/11/2017 ການແຂ່ງຂັນຮອບຄັດເລືອກ ເຖິງ ຮອບ 8 ທີມສຸດທ້າຍ ບັດລາຄາ 10,000 ກີບຕໍ່ມື້
2. ວັນທີ 04-05/11/2017 ການແຂ່ງຂັນຮອບຮອງຊະນະເລີດ ແລະ ຊິງຊະນະເລີດ ບັດລາຄາ 20,000 ກີບຕໍ່ມື້
3. ພິເສດ ແພັກເກດ ບັດລາຄາ 50,000 ກີບ ສາມາດເຂົ້າຊົມໄດ້ຕະຫລອດການແຂ່ງຂັນທັງ 6 ມື້ ແຕ່ຕົ້ນຈົນຈົບການແຂ່ງຂັນ
ສໍາລັບ ລາຍໄດ້ຈາກການຂາຍບັດ ຈະນຳເຂົ້າເປັນກອງທຶນພັດທະນານັກກິລາດອກປີກໄກ່ທີມຊາດລາວສູ່ລະດັບໂລກ.
ຂໍ້ມູນຈາກ: ສະຫະພັນດອກປີກໄກ່ແຫ່ງຊາດລາວ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment