ລາວອັບເດດໄດ້ລາຍງານໄປໃນມື້ວານນີ້ວ່າ:ໃນລະຫວ່າງວັນທີ 9 – 11 ຕຸລາ ນີ້,ເມືອງຊຳໃຕ້ແຂວງຫົວພັນໄດ້ມີລົມພາຍຸລະດູຮ້ອນທີ່ມີຝົນຕົກໜັກຕິດຕໍ່ກັນມາຫຼາຍວັນໄດ້ເຮັດໃຫ້ເຂົ້ານາ, ເຮືອນຊານທີ່ຢູ່ອາໄສ ແລະ ສິ່ງຂອງອື່ນໆຂອງປະຊາຊົນໄດ້ຮັບຜົນເສຍຫາຍຢ່າງໜັກ, ໃນນີ້ຮ້າຍແຮງກວ່າໝູ່ແມ່ນບ້ານເມືອງເກິນ ມີ 36 ຄອບຄົວ, ມີພົນລະເມືອງ 184 ຄົນ ຍິງ 83 ຄົນ ເຊິ່ງເປັນບ້ານວິລະຊົນ ຕັ້ງຢູ່ຫ່າງຈາກເທດສະບານເມືອງຊຳໃຕ້ປະມານ 65 ກິໂລແມັດ.
ຫລ້າສຸດ ມີການລາຍງານເພີ່ມຕື່ມເຂົ້າມາວ່າ: ຈາກການລົງກວດກາຕົວຈິ່ງມີເຮືອນຊານຂອງປະຊາຊົນຖືກເສຍຫາຍ 60% ຂື້ນໄປຈຳນວນ 6 ຫຼັງ, ເສຍຫາຍ 100% ແມ່ນເຮືອນ 1 ຫຼັງ, ເລົ້າເຂົ້າ 23 ຫຼັງ, ເນື້ອທີ່ນາເສຍຫາຍ 20 ເຮັກຕາ, ເຂົ້າເປືອກເສຍຫາຍທັງໝົດ 90 ໂຕນ, ລົດຈັກ 28 ຄັນ, ລົດໄຖນາ 16 ຄັນ, ໂຮງສີເຂົ້າ 10 ເຄື່ອງ, ຫູກ ແລະ ກີ່ຕໍ່າຫູກ, ເຄື່ອງນຸ່ງຫົ່ມຕ່າງໆ, ເຮືອນຄົວ ແລະ ເຄື່ອງໃຊ້ໃນເຮືອນຄົວ.
ນອກນີ້ຍັງມີສັດລ້ຽງປະເພດງົວ 6 ໂຕ, ຄວາຍ 3 ໂຕ, ສັດປີກ 738 ໂຕ, ໜອງປາ 61 ໜອງ, ນໍ້າລິນ, ຊົນລະປະທານ, ເສັ້ນທາງແລະ ອື່ນໆຖືກເສຍຫາຍ, ລວມມູນຄ່າເສຍຫາຍປະມານ 5 ຕື້ກວ່າກີບ,
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment