ມາແປກອີກແລ້ວສຳລັບງານວິວາທີ່ບໍ່ຄືໃຜ ຊຸດນີ້ບໍ່ແມ່ນຄົນອື່ນໄກ ແຕ່ເປັນຊາວໜຸ່ມຫຼວງພະບາງເຮົານີ້ເອງ ສົງໄສສະມາຊິກໃນກຸ່ມຮັກລົດເກົ່າກຳລັງຈະສະຫຼະໂສດ ເພິ່ນຈິ່ງເຊີນຊວນກຸ່ມລົດເກົ່າ ຄາເຟເລັກເຊີ ຫຼວງພະບາງ ໃຫ້ໄປຮ່ວມສ້າງສີສັນໃນວັນສຳຄັນຂອງຊີວິດ.
ເບິ່ງແຕ່ບັດເຊີນກໍ່ແປກໆ, ບໍ່ເນັ້ນຄວາມຫຼູຫຼາ ແຕ່ລຽບງ່າຍແປກບໍ່ຄືໃຜ, ຍ້ອນຄົນຫຼວງພະບາງມີແນວແປກໆ ມີຄວາມຄິດໄອເດຍສ້າງສັນເກີດຂຶ້ນຕະຫຼອດ ຫຼວງພະບາງແຫ່ງນີ້ຈິ່ງເປັນທີ່ຮັກຫອມຂອງແຂກບ້ານແຂກເມືອງ ເຮັດໃຫ້ມີຄົນຢາກມາຢ້ຽມຢາມບໍ່ຂາດສາຍບໍ່ວ່າຈະຍາມຮ້ອນ ຫຼື ຍາມໜາວ.
ຈັ່ງໃດກໍ່ຂໍໃຫ້ງານວິວາມ່ວນຊື່ນສົມໃຈ, ສືບຕໍ່ສ້າງສັນຜົນງານໃຫ້ຫຼວງພະບາງເປັນເມືອງໜ້າຢູ່ໜ້າຄົ້ນຫາຕະຫຼອດໄປ.
ລົດສຳລັບແຫ່ເຂີຍ ບໍ່ທຳມະດາ ໝູ່ເພື່ອນກໍ່ເຮຮາຮູ້ເຫັນເປັນໃຈ ແບບນີ້ມີຫຼາຍຄົນແອບອິດສາແນ່ນອນ!!!!!!
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment