ມື້ວານນີ້ (14/10/2017) ເວລາ 18:32ນາທີໄດ້ເກີດເຫດໄວລຸ້ນຕີກັນຢູ່ເຂດບ້ານເມືອງວາທົ່ງ ແຖວສະໜາມບິນວັດໄຕ ຈາກການລົງກວດສອບຂອງໜ່ວຍກູ້ໄພ ມູນນິທິພັດທະນາຜາສຸກພົບເຫັນຄົນເຈັບເປັນ ເພດຊາຍ 1ຄົນຊື່ ທ້າວ ຈ່ອນນີ້ອາຍຸ17ປີຢູ່ບ້ານ ພະນັກງານເມືອງ ສີໂຄດຕະບອງ ນະຄອນຫຼວງວຽງຈັນ ອາການເບື້ອງຕົ້ນແມ່ນ ເມົາ(ໝົດສະຕິ ສະນັ້ນທາງໜ່ວຍກູ້ໄພໄດ້ປະຖົມພະຍາບານຂັ້ນຕົ້ນແລ້ວນຳສົ່ງໄປໂຮງໝໍ ມະໂຫສົດຢ່າງປອດໄພດີ.
ເຫຼົ້າເບຍເປັນຢາພິດຊະນິດໜຶ່ງ ຊຶ່ງບໍ່ພຽງນຳເອົາພະຍາດໂລຄາມາສູ່ຮ່າງກາຍເຮົາເທົ່ານັ້ນ ແຕ່ຍັງຈະນຳເອົາພິດໄພມາສູ່ຕົນເອງ ແລະຄົນຮອບຂ້າງໄດ້ທຸກເວລາຕາບໃດທີ່ກິນເຂົ້າໄປແລ້ວຂາດສະຕິ, ຄວບຄຸມຕົນເອງບໍ່ຢູ່ ຊຶ່ງຜ່ານມາເຄີຍເຫັນມາຫຼາຍລາຍແລ້ວທີ່ຕ້ອງຕົກເປັນຄາດຕະກອນຍ້ອຍຄວາມເມົາ ອີກຫຼາຍໆຄົນຕອ້ງສັງເວີຍຊີວິດໃຫ້ກັບຄົນເມົາ ຫຼື ບໍ່ກໍ່ກາຍເປັນຄົນພິການຍ້ອນລິດຂອງນ້ຳເມົາຢ່າງຫຼີກລ້ຽງບໍ່ໄດ້. ສະນັ້ນການດື່ມເຫຼົ້າເບຍ ຄວນໃຫ້ພໍປະມານ ບໍ່ປ່ອຍໃຫ້ເມົາຈົນເກີນໄປເພາະອາດມີພິດໄພເຖິງຕົວໄດ້.
ແຫຼ່ງຂ່າວ: ໜ່ວຍກູ້ໄພພັດທະນາຜາສຸກ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment