ວີໂກ້ເສຍຫຼັກເຂົ້າເຮືອນປະຊາຊົນ ບາດເຈັບຫຼາຍຄົນ

ຊ່ວງນີ້ເອົາດຸແທ້ລົດໃຫຍ່ເຂົ້າເຮືອນປະຊາຊົນ, ຜູ້ຢູ່ແຄມທາງໃຫຍ່ມີຄວາມສ່ຽງຕໍ່ຊີວິດ ແລະຊັບສິນເພາະບໍ່ຮູ້ມື້ໃດລົດຈະເຈີດມາໃສ່. ດັ່ງເຫດການທີ່ເກີດຂຶ້ນ
ໃນວັນທີ 16/10/17 ເວລາ 02:03 ໄດ້ເກີດເຫດມີລົດໃຫ່ຍເສຍຫລັກຕຳ່ເຂົ້າເຮືອນປະຊາຊົນເຮັດໃຫ້ມີຜູ້ບາດເຈັບຫລາຍຄົນ ແລະ ລົດຈັກເສຍຫາຍຫລາຍຄັນ.

ຈຸດເກີດເຫດ ໜ້າປ້ຳນ້ຳມັນວັງຊາຍ ທີ່ນັ້ນສົງໄສກຳລັງມີງານລ້ຽງໝາດໆເພາະວ່າເຫັນກັງເຕັ້ນ, ມີເບຍກອງກັນຢູ່ ແລະມີລົດຈັກຈອດຫຼາຍຄັນໄວ້ນຳກັນຈິ່ງເຮັດໃຫ້ເກີດການເສຍຫາຍຫຼາຍ, ລົດຈັກທີ່ຢູ່ໃນນັ້ນຄາດວ່າມີຫຼາຍຄັນບໍ່ສາມາດໃຊ້ການໄດ້ອີກແລ້ວ!!!!!

ຕາມຂໍ້ມູນຈາກໜ່ວຍກູ້ໄພມູນນິທິ ນາຄາ ເວລາອອກໄປຮອດສະຖານທີ່ເກີດເຫດພົບຄົນເຈັບ 5 ຄົນ ເປັນເພດຊາຍທັງໝົດ + ຄົນທີ່ 1 ເປັນເພດຊາຍ ອາຍຸ 17 ປີ ປະຈຸບັນຢູ່ ບ້ານ ຊຳເຄ້
ເມືອງ ໄຊເສດຖາ ນະຄອນຫລວງວຽງຈັນ ອາການເບື້ອງຕົ້ນແມ່ນ ມີບາດແຜເປີດໃຫຍ່ຢູ່ຫົວ ແລະ ໃບໜ້າ, + ຄົນທີ່ 2 ເປັນເພດຊາຍ ອາຍຸ 28 ປີ ປະຈຸບັນຢູ່ບ້ານ ໂນນສະຫວ່າງ ເມືອງ ໄຊເສດຖາ ນະຄອນຫລວງວຽງຈັນ ອາການເບື້ອຕົ້ນແມ່ນ ປາກແຕກແຂ້ວຫັກ ,ເລືອດອອກດັງ ແລະ ເຈັບຂາເບື້ອງຊ້າຍ. ສ່ວນອີກ 3 ຄົນ ແມ່ນໜ່ວຍກູ້ໄພໄດ້ປະຖົມພະຍາບານຂັ້ນຕົ້ນແລ້ວນຳສົ່ງ ໂຮງໝໍມິດຕະພາບ 150 ຕຽງ.