ຜ່ານມາພວກເຮົາເຄີຍເຫັນແຕ່ບ້ານເພິ່ນທີ່ຍ້ອມແມວ(ປອມ)ສິນຄ້າຂາຍ ໂດຍນຳໃຊ້ວັດຖຸອັນໜຶ່ງໄປເຮັດອີກອັນໜຶ່ງທີ່ມີລາຄາດີ ເພື່ອຂາຍເອົາເງິນ ຕົວຢ່າງທີ່ເຫັນຜ່ານມາກໍ່ມີການປອມປາມືກ, ຊີ້ນງົວ ໄຂ່ ແລະອື່ນໆ ແຕ່ນຶກບໍ່ເຖິງວ່າປະຊາຊົນລາວທີ່ເຄີຍມີນ້ຳໃຈບໍລິສຸດ ຈະມີບຸກຄົນຍ້ອມແມວສິນຄ້າມາຈຳໜ່ວຍໜ້າຕາເສີຍ.
ທີ່ຮ້າຍແຮງກວ່ານັ້ນທີ່ໄທເຮົາເຈົ້າຂ້ອຍເຫັນຜ່ານມາແມ່ນພໍ່ຄ້າແມ່ຄ້າຍ້ອມແມວຂາຍໃຫ້ປະຊາຊົນຜູ້ທີ່ບໍ່ຮູ້ໃຕ້ຮູ້ເໜືອຫຍັງ ແຕ່ຊຸດນີ້ແມ່ນປະຊາຊົນເອົາຂອງປອມໄປຂາຍໃຫ້ນາຍທຶນ.
ຕາມການສອບຖາມຂອງທີມງານລາວອັບເດດໄປຍັງບໍລິສັດທີ່ເກັບຊື້ບອກວ່າ ບໍລິສັດນີ້ໄດ້ມາຮັບເກັບຊື້ຢາງພາລາມາດົນແລ້ວ ຊື່ງການປອມນ້ຳຢາງພາລາມາຂາຍບໍ່ແມ່ນຫາກໍ່ເກີດຂຶ້ນພຽງເທື່ອດຽວນີ້ ຫາກຜ່ານມາກໍ່ເຄີຍເກີດແລ້ວ ແຕ່ບໍລິສັດບໍ່ໄດ້ກວດສອບກ່ອນຄື ມາຮອດແລ້ວຮັບຊື້ເລີຍເວລາເອົາໄປເຂົ້າໂຮງງານແລ້ວຈິ່ງເຫັນວ່າມີຂີ້ດິນ, ມີກ້ອນຫີນ ແລະໄມ້ປົນຢູ່ນຳ ສະນັ້ນທາງບໍລິສັດຈິ່ງຕ້ອງກວດກາໃຫ້ຮັດກຸມຍິ່ງຂຶ້ນ.
ສຳລັບເທື່ອນີ້ແມ່ນບໍລິສັດຍັງບໍ່ທັນໄດ້ຈ່າຍເງິນ ແລະບໍ່ທັນຊັ່ງນ້ຳໜັກເທື່ອຕ້ອງທຳການກວດກາກ່ອນປະກົດວ່າເປັນຂິ້ດິນທັງໝົດ 22 ກ້ອນ ທີ່ເອົາມາສົ່ງ ທາງບໍລິສັດຈິ່ງຢືດໄວ້ເປັນຂອງກາງເພື່ອຂໍທິດຊີ້ນຳຈາກພາກລັດໃນການດຳນເນີນມາດຕະການຕໍ່ຜູ້ກະທຳ ເພື່ອບໍ່ໃຫ້ເກີດເຫດການຊ້ຳຮອຍອີກ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment