ວັນທີ 6 ມັງກອນນີ້, ທ່ານຊິກມາ ກາເບຼ ລັດຖະມົນຕີການກະຊວງການຕ່າງປະເທດເຢຍລະມັນໄດ້ພົບປະກັບທ່ານເມັບລຸດ ຊາວຸໂຊກຼູ ລັດຖະມົນຕີກະຊວງການຕ່າງປະເທດຕວັກກີຢູ່ເມືອງກົສລານທາງພາກຕາເວັນຕົກຂອງເຢຍລະມັນ, ສອງຝ່າຍກ່າວວ່າຫວັງຢາກແກ້ໄຂຄວາມຂັດແຍ້ງກັນດ້ວຍການສົນທະນາກັນ, ເຊິ່ງເປັນຄວາມພະຍາຍາມອີກເທື່ອໜຶ່ງຂອງເຢຍລະມັນ ແລະຕວັກກີ ເພື່ອຫຼຸດຜ່ອນຄວາມເຄັ່ງຕຶງລະຫວ່າງສອງປະເທດ.
ໃນກອງປະຊຸມຂ່າວຮ່ວມທີ່ຈັດຂຶ້ນໂດຍສອງຝ່າຍ, ທ່ານຊາວຸໂຊກຼູກ່າວວ່າ: ສອງຝ່າຍເຫັນດີ ແລະ ຫວັງວ່າຜ່ານການສົນທະນາເພື່ອຫຼຸດຜ່ອນຄວາມເຄັ່ງຕຶງລະຫວ່າງສອງປະເທດ ແລະຄວາມຂັດແຂ້ງກັນທີ່ມີຢູ່ໃນປັດຈຸບັນ. ທ່ານກ່າວຕື່ມວ່າ:ຕວັກກີຍິນດີເຂົ້າເປັນສະມາຊິກສະຫະພັນພາສີສະຫະພາບເອີລົບອີກເທື່ອໜຶ່ງ.
ໃນກອງປະຊຸມຂ່າວດັ່ງກ່າວ, ທ່ານກາເບຼໄດ້ປະກາດຟື້ນຟູຄະນະກຳມະການເສດຖະກິດຮ່ວມເຢຍລະມັນ-ຕວັກກີ, ເຊິ່ງຄະນະກຳມະການດັ່ງກ່າວໄດ້ຢຸດເຊົາ ວຽກຫຼັງຈາກສາຍພົວພັນສອງປະເທດຊຸດໂຊມລົງ. ທ່ານກາເບຼກ່າວຕື່ມວ່າ: ສອງຝ່າຍຈະສ້າງຄວາມພະຍາຍາມສຸດຂີດເພື່ອຊອກຫາຜົນປະໂຫຍດຮ່ວມຫຼາຍກວ່າເກົ່າໃນອະນາຄົດ.
ແຫລ່ງທີ່ມາຈາກຊີອາໄອ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment