ໂຄງການພັດທະນາເຂດເສດຖະກິດພິເສດມະຫານະທີສີພັນດອນ ເພື່ອກະຕຸ້ນການທ່ອງທ່ຽວໃນແຂວງຈຳປາສັກ ຍັງຄົງມີແນວໃໝ່ໆມາສ້າງຄວາມຕື່ນເຕັ້ນໄດ້ຕະຫຼອດກ່ອນກ້າວສູ່ການກໍ່ສ້າງຕົວຈິງໃນປີນີ້.
ໂຄງການດັ່ງກ່າວກ່ອນໜ້ານີ້ມີພຽງຕຶກແຝດທີ່ອອກແບບຄືກັບແຄນລາວ ແຕ່ຕໍ່ມາໄດ້ມີການດັດແກ້ແບບໃໝ່ໃຫ້ມີຕືກແອບເຂົ້າໆໄປນຳ, ທາງເຂົ້າຫາຕຶກແຝດເປັນເຮືອນຊົງລາວມີຫຼັງຄາຢ່າງສະຫງ່າງາມ ຊຶ່ງບໍ່ຮູ້ວ່າຕໍ່ຈາກນີ້ຍັງຈະມີຫຍັງເພີ່ມເຕີມເຂົ້າໄປອີກ ແຕ່ຖ້າເຮັດໄດ້ສ່ຳແບບທີ່ອອກໃໝ່ຫຼ້າສຸດນີ້ກໍ່ນັບວ່າງາມພໍສົມຄວນແລ້ວ ໃນນັ້ນຍັງບໍ່ໝົດຍັງມີຕືກອາຄານທັນສະໄໝແບບລາວປະສົມຈີນ ແລະອື່ນໆ ລາຍລະອຽດໄປເບິ່ງວິດີໂອອີກບາດໜຶ່ງ.
ໂຄງການສ້າງເຂດເສດຖະກິດພິເສດມະຫານະທີສີພັນດອນຕາມແຜນແມ່ນຈະສ້າງເປັນເຂດການທ່ອງທ່ຽວແບບຄົບວົງຈອນຢູ່ເມືອງໂຂງ ແຂວງຈໍາປາສັກ ໂດຍໃຊ້ງົບປະມານການລົງທຶນ 9ຕື້ໂດລາສະຫະລັດ ຫຼາຍກວ່າໂຄງການປະຫວັດສາດທາງລົດໄຟຄວາມໄວສູງລາວ-ຈີນທີ່ສ້າງເຊື່ອມຕໍ່ຊາຍແດນແຕ່ຈີນມາລາວຂ້າມຫຼາຍແຂວງລອດສາຍພູຂ້າມຫ້ວຍໃຫ້ຍັງມີການກໍ່ສ້າງຢູ່ທີ່ 6 ຕື້ໂດລາເທົ່ານັ້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment