ໃນວັນທີ 23/02/2018 ໄດ້ມີກອງປະຊຸມປຶກສາຫາລືຄົ້ນຄວ້າກ່ຽວກັບງານຫຼໍ່ເກດ ພຣະພຸດທະຮູບອົງຫຼວງປາງປະທານພອນ (ໃຫຍ່ທີີ່ສຸດໃນລາວ) ເພື່ອປະດິດສະຖານໄວ້ ວັດໃຫມ່ທົ່ງໄຫຫີນມີໄຊຍະຣາມ ເມືອງແປກ ແຂວງຊຽງຂວາງ.
ກອງປະຊຸມມີຂຶ້ນທີ່ຫໍທຳມະສະພາ ນະຄອນຫຼວງວຽງຈັນໂດຍ ມີ ພອຈ ປອ ພວງປະເສີດ ພູມມະວົງ ເປັນປະທານກອງປະຊຸມ ເຊິ່ງມີອົງການຈັດຕັ້ງແຂວງຊຽງຂວາງ ມີປະທານແນວແຂວງ ຫົວຫນ້າພະແນກວັດທະນະທຳແຂວງ ຫ້ອງວ່າການປົກຄອງແຂວງ ແລະຫ້ອງການ ອພສ , ຄະນະປະຈຳ ສູນກາງ ອພສ ,ກຳມາທິການສາທາລະນູປະການ ເພື່ອພ້ອມກັນປຶກສາຫາລືຄົ້ນຄວ້າກ່ຽວກັບງານຫຼໍ່ເກດ ພຣະພຸດທະຮູບອົງຫຼວງປາງປະທານພອນ (ໃຫຍ່ທີ້ສຸດໃນລາວ) ເພື່ອປະດິດສະຖານໄວ້ ວັດໃຫມ່ທົ່ງໄຫຫີນມີໄຊຍະຣາມ ເມືອງແປກ ແຂວງຊຽງຂວາງ
ໂດຍຈະມີພິທີ ຫຼໍ່ເກດ ພຣະເຈົ້າໃຫຍ່ ແລະ ຈັດຂື້ນທີ່ ຫໍທຳມະສະພາ ວັດທາດຫລວງເຫນືອ ເມືອງໄຊເສດຖາ ນະຄອນຫລວງວຽງຈັນ ໃນໄວໆນີ້.
ວັດໄຫຫີນມີໄຊຍະຣາມ ໄດ້ຮັບການສ້າງຂຶ້ນເມື່ອບໍ່ເທົ່າໃດປີຜ່ານມາ ເຊິ່ງຕັ້ງຢູ່ເນີນພູບໍ່ໄກຈາກທົ່ງໄຫຫີນບໍ່ປານໃດ ເຊິ່ງປະດິດສະຖານພຣະພຸດທະຮູບອົງຫລວງປາງປະທານພອນຂຶ້ນວັດແຫ່ງນີ້. ເຊິ່ງພະພຸດທະຮູບມີຄວາມສູງຈາກຖານປະມານ23ແມັດ(ຫາກລວມຖານທີ່ສູງ15 ແມັດ ຈະເຮັດໃຫ້ພະພຸດທະຮູບສູງເຖິງ38 ແມັດເລີຍ ເຊິ່ງຈະກາຍເປັນພະພຸດທະຮູບປາງປະທານພອນທີ່ໃຫຍ່ທີ່ສຸດຂອງປະເທດ
ເຊິ່ງໃນວັນທີ 20 ກຸມພາຜ່ານມາ ພຣະພຸດທະຮູບອົງຫລວງປາງປະທານພອນ ບາງສ່ວນມາຮອດ ວັດໄຫຫີນມີໄຊຍະຣາມ ເມືອງແປກ ແຂວງຊຽງຂວາງແລ້ວ
ແຫລ່ງທີ່ມາຈາກພຣະເກດ ສີບຸນເຮືອງ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment