ໃນວັນທີ 23.02.2018ເວລາ 20:38ໂມງ ໜ່ວຍກູ້ໄພ ມູນນິທິ ຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດຜ່ານເບີສຸກເສີນ 1623 ວ່າມີລົດໃຫຍ່ຕຳກັນ ຈຸດເກີດເຫດແມ່ນ ບ້ານ ດົງໝາກຄາຍ ເມືອງ ໄຊທານີ ນະຄອນຫຼວງວຽງຈັນ
ພໍໜ່ວຍກູ້ໄພມູນນິທິ ອອກກວດສອບພົບເຫັນຜູ້ເສຍຊີວິດຕິດຢູ່ໃນລົດ ແລະ ບໍ່ສາມາດອອກຈາກລົດໄດ້ ທາງທີມງານເຮົາໄດ້ນຳໃຊ້ອຸປະກອນຕັດ-ຖ່າງເຂົ້າຊ່ວຍຕັດ ແລ້ວນຳເອົາຮ່າງຜູ້ເສຍຊີວິດອອກມາ
ຜູ້ເສຍຊີວິດເປັນເພດຍິງ ອາຍຸ 21ປີ ບ້ານ ທ່າສະຫວ່າງ ເມືອງ ໄຊທານີ ນະຄອນຫຼວງ ອາການເບື້ອງຕົ້ນແມ່ນ ກະທົບຫົວ,ເລືອດອອກດັງ,ເລືອດອອກຫູ ແລະ ຄໍຫັກ
ດັ່ງນັ້ນທາງໜ່ວຍກູ້ໄພຈຶ່ງໄດ້ນຳຮ່າງຂອງຜູ້ກ່ຽວໄປທີ່ໂບດນາໄຊ ເມືອງ ໄຊເສດຖາ ນະຄອນຫຼວງວຽງຈັນ ເພື່ອໃຫ້ພີ່ນ້ອງຂອງຜູ້ກ່ຽວເຮັດພິທີ່ທາງສາສະໜາ
ໃນເຫດການຄັ້ງນີ້ ທາງໜ່ວຍກູ້ໄພມູນນິທິ 1623 ຂໍສະແດງຄວາມເສຍໃຈນຳຍາດພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment