ສະພາຄວາມໝັ້ນຄົງສປຊ ຮັບຮອງເອົາມະຕິຮຽກຮ້ອງການຢຸດຍິງຢູ່ຊີຣີ ເປັນເວລາ30 ວັນ

(VOVWORLD) -ຕອນບ່າຍວັນທີ 24 ກຸມພາ, ຢູ່ນິວຢອກ ປະເທດອາເມລິກາ, ພາຍຫຼັງການປ່ອນບັດຖືກໂຈະໄວ້ມາເປັນຫຼາຍຄັ້ງ, ສະພາຄວາມໝັ້ນຄົງສະຫະປະຊາຊາດ ໄດ້ຮັບຮອງເອົາມະຕິທີ່ມີຊື່ວ່າ 2401 ຮຽກຮ້ອງຢຸດຍິງທີ່ແກ່ຍາວເປັນເວລາ 30 ວັນຢູ່ຊີຣີ

ເພື່ອອະນຸຍາດໃຫ້ການຂົນສົ່ງສິນຄ້າມະມຸດສະທຳ ແລະ ຍົກຍ້າຍຄົນເຈັບຢູ່ທາງທິດຕາເວັນອອກ Ghouta ຂອງຊີຣີ. ມະຕິຮຽກຮ້ອງໃຫ້ ຕ້ອງຢຸດຕິບັນດາການເຄື່ອນໄຫວທີ່ເປັນປໍລະປັກໂດຍທັນທີໃນທົ່ວຊີຣີ ເພື່ອອະນຸຍາດໃຫ້ບັນດາການເຄື່ອນໄຫວຂົນສົ່ງ “ປອດໄພ ແລະ ລຽນຕິດ” ສິນຄ້າອຸປະຖຳ ແລະ ຍົກຍ້າຍບັນດາຜູ້ຕິດພະຍາດ ແລະ ຜູ້ຮັບບາດເຈັບ.

ມະຕິກໍ່ຮຽກຮ້ອງຢຸດຕິບັນດາການປິດລ້ອມ, ລວມທັງຢູ່ທິດຕາເວັນອອກ Ghouta, Yarmoukm Foua ແລະ Kefraya, ພ້ອມທັງຮຽກຮ້ອງໃຫ້ທຸກຝ່າຍ “ຢຸດຕິການຢຶດເອົາຢຸກຢາ ແລະ ທັນຍາຫານຂອງສາມັນຊົນ”.

ທ່ານເລຂາທິການໃຫຍ່ສະຫະປະຊາຊາດ , ທ່ານເອກອັກຄະລັດຖະທູດຈີນ ໝ່າຈາວຊີ, ທ່ານເອກອັກຄະລັດຖະທູດອາເມລິກາ ປະຈຳສະຫະປະຊາຊາດ ລ້ວນແຕ່ຊົມເຊີຍການຮັບຮອງເອົາມະຕິ 2401 ແລະ ຮຽກຮ້ອງປະຕິບັດມະຕິດັ່ງກ່າວໂດຍທັນທີ.