ໃນເວລາ 8:30 ໂມງ ຂອງວັນທີ 22 ກຸມພາ 2018 ທີ່ຫ້ອງປະຊຸມຂອງພະແນກ ຍທຂ ແຂວງຫຼວງພະບາງ ໄດ້ເປີດກອງປະຊຸມປືກສາຫາລືດ້ານວິຊາການກ່ຽວກັບ ການຊຳລະຄ່າຊົດເຊີຍສີ່ງກີດຂວາງຂອງໂຄງການກໍ່ສ້າງທາງລົດໄຟ ລາວ-ຈີນ ຂື້ຶ້ນ ພາຍໃຕ້ການເປັນປະທານຂອງທ່ານ ລັດຕະນະມະນີ ຄູນນິວົງ ຮອງລັດຖະມົນຕີ, ຫົວໜ້າຄະນະຄຸ້ມຄອງໂຄງການກໍ່ສ້າງທາງລົດໄຟ ລາວ-ຈີນ, ມີບັນດາທ່ານຫົວໜ້າຄະນະໄກ່ເກັ່ຍສິ່ງກີດຂວາງ ຂັ້ນແຂວງ, ຂັ້ນເມືອງ, ຫົວໜ້າພະແນກ ຍທຂ ແລະ ຫ້ອງການປະສານງານຈາກ ນະຄອນຫລວງ, ແຂວງຫລວງນ້ຳທາ, ອຸດົມໄຊ, ຫລວງພະບາງ, ແຂວງວຽງຈັນ, ຄະນະຄຸ້ມຄອງໂຄງການທາງລົດໄຟ ລາວ-ຈີນ ຮອງຫົວໜ້າບໍລິສັດທາງລົດໄຟ ລາວ-ຈີນ ມີໜ້າເຂົ້າຮ່ວມທັງໝົດ 44 ທ່ານ.
ກອງປະຊຸມຄັ້ງນີ້ ແມ່ນເພື່ອການກະກຽມຄວາມຄິດເຫັນທາງດ້ານວິຊາການ ໃນການນຳໄປສະເໜີຕໍ່ຄະນະຊີ້ນຳໂຄງການກ່ຽວກັບການຊຳລະຄ່າຊົດເຊີຍສີ່ງກີດຂວາງຂອງໂຄງການກໍ່ສ້າງທາງລົດໄຟ ລາວ-ຈີນ ໃນນັ້ນ ຈະໄດ້ຄົ້ນຄ້ວາ 5 ບັນຫາຕົ້ນຕໍຄື: 1) ຂັ້ນຕອນໃນການຊຳລະ, 2) ເອກະສານທີ່ຈຳເປັນເພື່ອຢືນຢັນຄວາມຖືກຕ້ອງ, 3) ການຈັດອັນດັບບູລິມະສິດຊຳລະຄ່າຊົດເຊີຍ 4) ແຜນການຈັດຕັ້ງປະຕິບັດ: ປະກອບດ້ວຍໜ້າວຽກຄື ການລົງຕິດຕາມການກວດກາ, ລະບົບລາຍງານ ແລະການກະຕຽມບັນຊີບຸກຄົນທີ່ຖືກຜົນກະທົບ ແລະ 5) ບັນຫາອື່ນໆ.
ພ້ອມດຽວກັນນັ້ນ, ໃຫ້ສືບຕໍ່ປະ ສານສົມທົບກັບບັນດາແຂວງ, ສະພາທ້ອງຖິ່ນຂອງແຂວງ ເພື່ອກໍານົດ ແລະ ເບີກຈ່າຍຄ່າຊົດເຊີຍໃຫ້ປະຊາຊົນ ທີ່ໄດ້ຮັບຜົນກະທົບຈາກໂຄງການກໍ່ສ້າງດັ່ງກ່າວ ໃຫ້ສໍາເລັດໂດຍໄວ. ສຳລັບທຶນສົມທົບກໍ່ສ້າງໂຄງການດັ່ງກ່າວ ຂອງລັດຖະບານ ແມ່ນໃຫ້ກໍານົດເຂົ້າໃນແຜນງົບປະມານໃນແຕ່ລະປີ.
ແຫລ່ງທີ່ມາຈາກhttp://www.mpwt.gov.la
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment