ວັນສຸກແລ້ວຂັບລົດລະວັງເດີພີ່ນ້ອງ

ວັນສຸກປົກກະຕິຈະເປັນວັນເສົານ້ອຍທີ່ຫຼາຍຄົນຄອງຄອຍ ເພື່ອນັດກັນໄປສັງສັນກັບໝູ່ຄູ່ຄອບຄົວ ສະນັ້ນຈິ່ງມັກມີອຸປະຕິເຫດເກີດຂຶ້ນຫຼາຍ ຍ້ອນຄວາມຟ້າວ, ຄວາມຟ້າວຟັ່ງມັກຈະນຳມາຊຶ່ງຜົນເສຍຫາຍ ສະນັ້ນວັນສຸກແບບນີ້ຈິ່ງຕ້ອງລະມັດລະວັງຫຼາຍຂຶ້ນຄ່ອຍໄປຄ່ອຍມາ ຫຼີກລ່ຽງບັນຫາອຸປະຕິເຫດທີ່ອາດເກີດຂຶ້ນກັບທ່ານ ແລະຄົນຮອບຂ້າງ.

ຕອນສວາຍມື້ນີ້ ວັນທີ09/02/2018 ເວລາ12:15 ນາທີ ກໍ່ເກີດເຫດ ລົດໃຫຍ່ກັບລົດຈັກຕຳກັນຢູ່ເຂດບ້ານໂພນຕ້ອງ ເມືອງຈັນທະບູລີ ນະຄອນຫລວງວຽງຈັນ ເຮັດໃຫ້ມີຜູ້ໄດ້ຮັບບາດເຈັບ 1 ຄົນເປັນເພດຊາຍ ອາການເບື້ອງຕົ້ນແມ່ນຕີນຈີກ ແໜ້ນໜ້າເອີກ ແລະ ແຜທະຫຼອກຕາມແຂນຂາ ດັ່ງນັ້ນໜ່ວຍກູ້ໄພມູນນິທິຈີນຈື່ງໄດ້ປະຖົມພະຍາບານຂັ້ນຕົ້ນແລ້ວ(ນຳສົ່ງໂຮງໝໍມິດຕະພາບ150ຕຽງ)ແລ້ວ.