ເມົາແລ້ວນອນດີກວ່າ ຂ້າງຖະໜົນອັນຕະລາຍ

ການດື່ມສິ່ງມືນເມົາຖ້າຈະເວົ້າໄປແລ້ວກາຍເປັນປະເພນີໄປແລ້ວສຳລັບບ້ານເຮົາ ງານຫຍັງກໍ່ເມົາດີໃຈກໍ່ເມົາ, ອົກຫັກເຮ່ງເມົາ, ວັນໃຫຍ່ວັນນ້ອຍ ໝູູ່່ຄູ່ມາຢາມຕ້ອງມີເມົາບໍ່ດັ່ງນັ້ນກໍ່ແປກ ຈິ່ງກາຍເປັນໜຶ່ງສາເຫດຂອງການລົດຕຳກັນກັນທີ່ແກ້ບໍ່ຕົກ ແລະໄດ້ຕິດອັນດັບແຖວໜ້າດື່ມເກ່ງ ແອັດມິນບໍ່ໄດ້ວ່າຫຍັງດອກເງິນສ່ວນຕົວໃນກະເປົາຂອງແຕ່ລະຄົນ ແຕ່ເພື່ອຄວາມປອດໄພທາງສຸຂະພາບ ແລະຊັບສິນ ເມື່ອດື່ມສິ່ງມືນເມົາເຂົ້າໄປແລ້ວຄວນນອນພັກຈົນກວ່າຈະໝັ້ນໃຈກ່ອນຈິ່ງອອກເດີນທາງຈະບໍ່ດີກວ່າບໍ່ທຸກທ່ານ???

ຖ້າເມົາແລ້ວຂັບລົດກໍ່ເປັນດັ່ງເຫດການນີ້ທີ່ເກີດຂຶ້ນໃນວັນອາທິດ ວັນທີ25/02/2018ເວລາ 20:02 ນາທີ ມີລົດຈັກຕົກຄອງ ເຂດບ້ານສີວິໄລ ເມືອງໄຊທານີ ນະຄອນຫຼວງວຽງຈັນ, ໜ່ວຍກູ້ໄພມູນນິທິຈີນໄດ້ອອກກວດສອບເຫດພົບເຫັນເປັນລົດຈັກ 1 ຄັນ ມີຜູ້ບາດເຈັບຈຳນວນ1ຄົນເປັນເພດຊາຍອາການເບື້ອງຕົ້ນແມ່ນມືນເມົາ ຫົວແຕກ ແລະ ແຜທະຫລອກຕາມແຂນຂາ, ດັ່ງນັ້ນໜ່ວຍກູ້ໄພມູນນິທິຈີນໄດ້ປະຖົມພະຍາບານຂັ້ນຕົ້ນແລ້ວນຳສົ່ງຜູ້ບາດເຈັບໄປໂຮງໝໍມິດຕະພາບ150ຕຽງ.