ເຖິງບ້ານເຮົາຈະມີຫຼາຍອັນທີ່ຫຍຸ້ງຍາກ ວຸ້ນວາຍໃນສັງຄົມ ແຕ່ກໍ່ມີເລື່ອງລາວດີໆເກີດຂຶ້ນເລື້ອຍໆ ເປັນຄົ້ນການພົບສິ່ງສັກສິດຈັກແມ່ນໃຕ້ດິນ ບຶດກໍ່ໃຕ້ນ້ຳ ມໍລະດົກທາງວັດທະນະທຳທີ່ຖືກເຊື່ອງຊ້ອນແຕ່ສະໄໝໃດປະກົດໃຫ້ເຫັນເລື້ອຍມາ ເຊັ່ນກັນກັບການພົບພະພຸດທະຮູບ 30 ອົງທີ່ແຂວງໄຊຍະບູລີ.
ໂດຍຕອນແລງປະມານ 16:00 ຂອງວັນທີ 26 ກຸມພາ 2018 ນີ້ຊາວບ້ານໃຫຍ່ເມືອງທົ່ງມີໄຊ ແຂວງໄຊຍະບູລີໄດ້ພາກັນໄປຂຸດຂຸມວ່າຈະຕັ້ງເສົມເຮືອນໃໝ່ ບັງເອີນພົບພະພຸດທະຮູບນ້ອຍຈຳນວນ 30 ອົງຝັງຢູ່ຈຸດທີ່ຂຸດຂຸມພໍດີ ກໍ່ສວຍໂອກາດບູຊາເພິ່ນ ແລະເອົາໄປປະດິດສະຖານໄວ້ຢູ່ວັດສີມຸງຄຸນ ບ້ານໃຫຍ່ບ່ອນທີ່ພົບພະດັ່ງກ່າວ.
ພະພຸດທະຮູບຈຳນວນດັ່ງກ່າວ ເບິ່ງຈາກຮູບແມ່ນເຮັດດ້ວຍເງິນ ຄາດວ່າຈະຜ່ານໄລຍະເວລາຫຼາຍປີແລ້ວ ເນື່ອງຈາກບາງອົງ, ບາງສ່ວນບໍ່ສົມບູນ ຈີກຂາດອາດຈະເກົ່າແກ່ໄປຕາມການເວລາ ແຕ່ກໍ່ເປັນເລື່ອງທີ່ໜ້າຍິນດີສຳລັບຄອບຄົວທີ່ຕັ້ງເຮືອນໃໝ່ທີ່ແຮກໝານກັບສິ່ງສັກສິດ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment