ຖືວ່າໜ້າຈັບຕາສຸດໆສໍາລັບ ພຸດທະໄຊ ໂຄຈະເລີກ ນັກເຕະສາລະຜັດປະໂຫຍດຂອງລາວ ທີ່ຍ້າຍໄປຫຼິ້ນໃຫ້ກັບ ນະຄອນປະຖົມ ຢູໄນເຕັດ ທີມໃນໄທລີກ 4 ໂຊນພາກຕາເວັນຕົກ ລະເບີດຟອມຢ່າງໂດດເດັ່ນພາທີມເກັບໄຊ 5 ນັດລວດ ຢຶດທີມນໍາຕາຕະລາງ.
ຜົນງານນັດຫຼ້າສຸດ ຂອງ ພຸດທະໄຊ ພາທີມລົງສະໜາມນັດທີ 5 ດ້ວຍການເປັນຕົວຈິງ ພາທີມເອົາຊະນະ ອັສສົມຊັນ ຢູໄນເຕັດ ໄປສະບາຍ 3-1 ເຮັດໃຫ້ທີມລົງສະໜາມ 5 ນັດຊະນະລວດມີ 15 ຄະແນນໜີຫ່າງ ອັນດັບ 2 ຢ່າງ ສະໝຸດສົງຄາມ ເອັຟຊີ ເຖິງ 7 ຄະແນນ.
ພຸດທະໄຊ ຖືກຮຽກຄືນຕິດທີມຊາດລາວ ຊຸດໃຫຍ່ ແລະ ມີຊື່ຕິດ 23 ນັກເຕະທີມຊາດລາວ ລຸຍບານເຕະມິດຕະພາບ 2 ນັດທີ່ຮັບການມາຢາມຂອງ ກຳປູເຈຍ ໃນວັນທີ 21 ມີນານີ້ ແລະ ວັນທີ 27 ມີນາ 2018 ເວລາ 18:00 ລາວ ພົບ ບັງກະລາເທດ ໂດຍທັງ 2 ນັດຈະ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16 ເຂົ້າຮັບຊົມຟຣີ ສາມາດຕິດຕາມການຖ່າຍທອດສົດ ທາງ ໂທລະພາບ ທີວີລາວ.
ຫຼ້າສຸດ ສະຫະພັນບານເຕະ ແຫ່ງຊາດລາວ ປະກາດລາຍ ຊື່ ຄະນະຄູຝຶກ ແລະ ນັກກິລາ ທີມຊາດລາວ ຊຸດໃຫຍ່ 23 ຄົນ ສຸດທ້າຍມີດັ່ງນີ້:
+ ຄະນະຄູຝຶກ: ທ່ານ MIKE WONG MUN HENG ຫົວຫນ້າຄູຝຶກ ສັນຊາດ ສິງກະໂປ, ທ່ານ MEHMET FATIH KALE ຜູ້ຊ່ວຍ ຄູຝຶກ ສັນຊາດ ຕວກກີ, ທ່ານ ສົມສັກ ແກ້ວດາລາ ຜູ້ຊ່ວຍຄູຝຶກ, ທ່ານ ໂອເລ່ ບູສະອາດ ຜູ້ຊ່ວຍຄູຝຶກ, ທ່ານ ພຸດປະສົງ ແສງດາລາວົງ ຄູຝຶກຜູ້ຮັກສາປະຕູ, ທ່ານ ສັນຕິກອນ ແສງດາລາ ບໍລິຫານທີມ ແລະ ທ່ານ ໄອມິດຕະ ທອງທິບປັນຍາ ອຸປະກອນ.
+ ນັກກິລາ ຈຳນວນ 23 ຄົນ
-ຜູ້ຮັກສາປະຕູ: ວຽງອາຄົມ ວິລະວົງ ຈາກ ສະໂມສອນ ດີເຄ ເອັຟຊີ, ອຸດທິລັດ ນາມມະໂຄດ ຈາກ ສະໂມສອນ ມາສເຕີ ເຊເວັ້ນ ເອັຟຊີ ແລະ ສາຍມະໂນລິນ ປຣະເສີດ ຈາກ ສະໂມສອນ ຊ້າງນ້ອຍ ເອັຟຊີ.
-ກອງຫລັງ: ທົດນີລາດ ສີບຸນເຮືອງ ຈາກ ສະໂມສອນ ສະຫມຸດປະການ ເອັຟຊີ ( ໄທ ), ຄູນສົມບັດ ພົມມະໄຊ ຈາກ ສະໂມສອນ ປກສ ເອັຟຊີ, ຊູຊະນະ ສີຫາລາດ ຈາກ ສະໂມສອນ ກອງທັບ ເອັຟຊີ, ປີຍະພົງ ປະຖຳມະວົງ ຈາກ ສະໂມສອນ ຊ້າງນ້ອຍ ເອັຟຊີ, ອາພີໄຊ ຖານະຂັນຕີ ຈາກ ສະໂມສອນ ຊ້າງນ້ອຍ ເອັຟຊີ, ໄຊຍະສິດ ສິງສະຫວ່າງ ຈາກ ສະໂມສອນ ຊ້າງນ້ອຍ ເອັຟຊີ ແລະ ກິຕິສັກ ພົມວົງສາ ຈາກ ສະໂມສອນ ຊ້າງນ້ອຍ ເອັຟຊີ.
-ກອງກາງ: ພັດທະນາ ພົມມະເທບ ຈາກ ສະໂມສອນ ສຸຣາດທານີ ເອັຟຊີ ( ໄທ ), ຈັນທະພອນ ແຫວນວົງສົດ ຈາກ ສະໂມສອນ ນ່ານ ເອັຟຊີ ( ໄທ ), ພຸດທະໄຊ ໂຄຈະເລີນ ຈາກ ສະໂມສອນ ນະຄອນປະຖົມ ເອັຟຊີ ( ໄທ ), ຕີ່ນີ່ ບຸນມະໄລ ຈາກ ສະໂມສອນ ປກສ ເອັຟຊີ, ກຽງທະວີສັກ ໄຊຊະນະປັນຍາ ຈາກ ສະໂມສອນ ປກສ ເອັຟຊີ, ພິທັກ ກອງມາທິລາດ ຈາກ ສະໂມສອນ ກອງທັບ ເອັຟຊີ, ພູທອນ ອິນນາໄລ ຈາກ ສະໂມສອນ ກອງທັບ ເອັຟຊີ, ແສງວິໄລ ຈັນທະສິລິ ຈາກ ສະໂມສອນ ລາວໂຕໂຢຕ້າ ເອັຟຊີ, ລັດທະໄຊ ລຸນລາສີ ຈາກ ສະໂມສອນ ຊ້າງນ້ອຍ ເອັຟຊີ ແລະ ບຸນພະຈັນ ບຸນກອງ ຈາກ ສະໂມສອນ ຊ້າງນ້ອຍ ເອັຟຊີ.
-ກອງຫນ້າ: ສຸກຈິນດາ ນັດຜາສຸກ ຈາກ ສະໂມສອນ ປກສ ເອັຟຊີ, ສົມໄຊ ແກ້ວຫານາມ ຈາກ ສະໂມສອນ ຊ້າງນ້ອຍ ເອັຟຊີ ແລະ ຈັນສະຫມອນ ພົມມະລີວົງ ຈາກ ສະໂມສອນ ຊ້າງນ້ອຍ ເອັຟຊີ
ສໍາລັບພຸດທະໄຊ ລຸຍການແຂ່ງຂັນໄທລີກ 4 ໂຊນ ພາກຕາເວັນຕົກ ໃນລະດູການ 2018 ພ້ອມທັງເປັນນັກເຕະຄົນລາວ ຄົນທຳອິດທີ່ໄດ້ລົງຫລິ້ນໃຫ້ກັບ ສະໂມສອນ ນະຄອນປະຖົມ ຢູໄນເຕັດ ແລະ ເປັນໂຄຕ້າອາຊຽນຂອງ ສະໂມສອນ ທີ່ຈະສົ່ງຊື່ເຂົ້າຮ່ວມ ໄທລີກ 4 ລະດູການ 2018.
 |
| ຮູບຈາກ:ນະຄອນປະຖົມ ຢູໄນເຕັດ |
ປັດຈຸບັນ, ພຸດທະໄຊ ໂຄຈະເລີນ ອາຍຸ 22 ປີ ເກີດໃນວັນທີ 29 ທັນວາ 1995 ທີ່ບ້ານສຸນັນທາ ເມືອງ ໄກສອນ ພົມວິຫານ ແຂວງ ສະຫວັນນະເຂດ ເຄີຍຫລິ້ນໃຫ້ ທີມຊາດລາວ ມາຫລາຍ ຊຸດ ນັບຕັ້ງແຕ່ ຊຸດເຍົາວະຊົນ ຈົນເຖິງ ຊຸດໃຫຍ່.
ໂດຍ ພຸດທະໄຊ ກ້າວເປັນນັກເຕະອາຊີບເຊິ່ງເປັນນັກເຕະເຍົາວະຊົນ ທີ່ມາຈາກ ສະໂມສອນ ເອສະຣາ ຫລິ້ນໃຫ້ກັບ ສະໂມສອນ ນັບຕັ້ງແຕ່ປີ 2007 ຈົນເຖິງປີ 2014.
- ປີ 2015 ຫລິ້ນໃຫ້ກັບ ສະໂມສອນ ຮ່ວາງແອ໋ງອັດຕະປື ເອຟຊີ
- ປີ 2016 ຫລິ້ນໃຫ້ກັບ ສະໂມສອນ ລ້ານຊ້າງ ຢູໄນເຕັດ ພ້ອມພາທີມຄວ້າມແຊ້ມ ລາວພຣີເມຍລີກ ແລະ ຮອງແຊ້ມ TOYOTA MEKONG CLUB CHAMPIONSHIP 2017
- ປີ 2017 ຫລິ້ນໃຫ້ກັບ ສະໂມສອນ ທິບ ສະຫວັນ ເອຟຊີ
ທັງນີ້, ພຸດທະໄຊ ເປັນນັກເຕະລາວຄົນທີ 13 ທີ່ຫລິ້ນໃນລີກອາຊີບທີ່ປະເທດໄທ ເຊິ່ງມີນັກເຕະລາວ ທີ່ເຄີຍຫລິ້ນໃນລີກອາຊີບກ່ອນຫນ້ານັ້ນມີ : ລຳເນົາ ສິງໂຕ, ກັນລະຍາ ສີສົມຫວັງ, ຄຳແພງ ໄຊຍະວຸດທິ, ສຸກອາພອນ ວົງຈຽງຄຳ, ເກດສະດາ ສຸກສະຫວັນ, ແລມໂບ້ ໄຊຊະນະ, ໂສພາ ໄຊຊະນະ, ມະໂນລົມ ພົມສຸວັນ, ທານິນ ພັນທະວົງ, ພັດທະນາ ພົມມະເທບ, ທົດນີລາດ ສີບຸນເຮືອງ ແລະ ຈັນທະພອນ ແຫວນວົງສົດ.
ມາຮອດປັດຈຸບັນ ໃນປີ 2018 ມີນັກເຕະລາວ ທີ່ໄດ້ເຊັນສັນຍາເປັນທາງການຮ່ວມສະໂມສອນ ຈາກ ໄທ ມີ 4 ຄົນ ປະກອບມີ ພັດທະນາ ພົມມະເທບ ສະໂມສອນ ຊົນບູຣິ ເອຟຊີ ໄທລີກ 1, ທົດນີລາດ ສີບຸນເຮືອງ ສະໂມສອນ ສະຫມຸດການ ເອຟຊີ ໄທລີກ 4 ຈັນທະພອນ ແຫວນວົງສົດ ສະໂມສອນ ນ່ານ ເອຟຊີ ໄທລີກ 4 ແລະ ພຸດທະໄຊ ໂຄຈະເລີນ ສະໂມສອນ ນະຄອນປະຖົມ ຢູໄນເຕັດ ໄທລີກ 4 .
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment