ຟີຟາເດ ສໍາຄັນຕໍ່ທີມຊາດລາວ ສູ້ເພື່ອຮຽກຊັດທາຈາກແຟນບານ ພ້ອມອັນດັບໂລກພຸ່ງຂຶ້ນແນ່ນອນ

ທີມຊາດລາວ ຊຸດໃຫຍ່ ປັດຈຸບັນຢູ່ອັນດັບທີ 183 ຂອງໂລກ (FIFA RANKING) ແລະ ອັນດັບທີ 9 ຂອງສະຫະພັນບານເຕະອາຊີ ( AFF ) ແນ່ນອນ ການແຂ່ງຂັນບານເຕະນັດມິດຕະພາບ FIFA DAY 2 ນັດ ຈະມີຂຶ້ນ ຢູ່ ນະຄອນຫລວງວຽງຈັນ ສປປລາວ ໂດຍນັດທໍາອິດຮັບບການມາຢາມຂອງ ກຳປູເຈຍ ໃນວັນທີ 21 ມີນານີ້ ເວລາ 18:00 ໂມງ ແລະ ວັນທີ 27 ມີນາ 2018 ເວລາ 18:00 ໂມງ ລາວ ພົບ ບັງກະລາເທດ ໂດຍທັງ 2 ນັດຈະ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16.

ໂດຍ 2 ນັດດັ່ງກ່າວ ມີຄວາມສໍາຄັນຕໍ່ກັບທີມຊາດລາວ ຊຸດໃຫຍ່ ເປັນທີ່ສຸດ ນອກຈາກຈະສູ້ເພື່ອຮຽກຊັດທາຈາກແຟນບານກັບມາ ເພາະປີ 2017 ທີມຊາດລາວ ຊຸດໃຫຍ່ ຊະນະໄດ້ພຽງນັດດຽວເທົ່ານັ້ນ ຄືຊະນະ ຕີມໍ 2-1, ສ່ວນອີກ 5 ນັດທີ່ເຫຼືອເສຍທັງໝົດ. ນອກນັ້ນ, ຖ້າຊະນະ 2 ນັດນີ້ຈະເຮັດໃຫ້ອັບດັບໂລກ (FIFA RANKING) ດີຂຶ້ນຢ່າງແນ່ນອນ.

ໂດຍທີມຊາດລາວຊຸດໃຫຍ່ ຕ້ອງວັດຄົມກັບ ກໍາປູເຈຍ ອັນດັບທີ 171 ຂອງໂລກ ແລະ ທີມຊາດ ບັງຄະລາເທດ ອັນດັບທີ 197 ຂອງໂລກ. ນອກຈາກສິ່ງທີ່ກ່າວມາຂ້າງເທິງແລ້ວ ຍັງມີຄວາມສໍາຄັນຕໍ່ລາຍການລະດັບສະໂມສອນນັ້ນກໍ່ຄື AFC CUP ຈະໄດ້ສິດພິເສດຫຼາຍຂຶ້ນ ແລະ ອື່ນໆ.