ວັນທີ 19 ມີນາ 2018 ຜ່ານມາ ທະນາຄານຮ່ວມພັດທະນາ ໄດ້ມີການເປີດໂຕຜະລິດຕະພັນໃໝ່ Yes Pay. ໂດຍການເປັນປະທານຂອງ ທ່ານ ບຸນສະຫວ່າງ ພິລາໄຊພິທັກ ຜູ້ອຳນວຍການໃຫຍ່ ທະນາຄານຮ່ວມພັດທະນາ. ພ້ອມທັງບັນດາຜູ້ບໍລິຫານ ແລະ ພະນັກງານຂອງທະນາຄານຮ່ວມພັດທະນາເຂົ້າຮ່ວມ.
ທ່ານ ບຸນສະຫວ່າງ ພິລາໄຊພິທັກ ໄດ້ກ່າວວ່າ: ເພື່ອເປັນການອຳນວຍຄວາມສະດວກ ໃຫ້ແກ່ລູກຄ້າຂອງທະນາຄານຮ່ວມພັດທະນາ ໃຫ້ສາມາດຊຳລະຄ່າສິນຄ້າດ້ວຍການສະແກນ QR Code ໃນ JDB Yes ເຊິ່ງເອີ້ນຜະລິດຕະພັນນີ້ວ່າ Yes Pay ຜ່ານສະມາດໂຟນ ໂດຍທີ່ບໍ່ຕ້ອງພົກພາເງິນສົດ.
Yes Pay ເປັນຜະລິດຕະພັນໃໝ່ຂອງທະນາຄານຮ່ວມພັດທະນາ ທີ່ມີຄວາມທັນສະໄໝໄດ້ມາດຕະຖານສາກົນ, ເພື່ອໃຫ້ລູກຄ້າໄດ້ຮັບຜົນປະໂຫຍດສູງສຸດ, ສະດວກໃນການຊຳລະສິນຄ້າ, ໃຊ້ໄດ້ຕະຫຼອດ 24 ຊົ່ວໂມງ, ບໍ່ຈຳເປັນເຂົ້າມາທະນາຄານ, ບໍ່ຈຳເປັນຕ້ອງພົກພາເງິນສົດ ປຽບເໝືອນທະນາຄານຢູ່ໃນມືຖືຂອງທ່ານ.
ການເຮັດວຽກຂອງ Yes Pay ແມ່ນການໃຫ້ບໍລິການຊຳລະສິນຄ້າຜ່ານການສະແກນ QR Code ເພື່ອຕັດເງິນຈາກບັນຊີຜູ້ຊຳລະ ໂອນເຂົ້າບັນຊີຂອງຮ້ານຄ້າທັນທີ ເຊິ່ງເປັນໜື່ງໃນຟັງຊັນຂອງ Mobile Banking. ການຊຳລະສິນຄ້າຕ້ອງເປັນບັນຊີສະກຸນເງິນດຽວກັນເທົ່ານັ້ນເຊັ່ນ: ບັນຊີກີບຫາກີບ, ບັນຊີບາດຫາບາດ ແລະ ບັນຊີໂດລາຫາໂດລາ. ຍອດຊຳລະສະສົມບໍ່ເກີນ 5 ລ້ານກີບ ພາຍໃນເດືອນແມ່ນບໍ່ເສຍຄ່າທຳນຽມ, ສ່ວນຍອດຊຳລະສະສົມເກີນ 5 ລ້ານກີບພາຍໃນເດືອນ ແມ່ນເສຍຄ່າທຳນຽມຄັ້ງລະ 2.000 ກີບ.
ທະນາຄານຮ່ວມພັດທະນາ ເປັນທະນາຄານທີ່ທັນສະໄໝ ໄດ້ມາດຕະຖານສາກົນ ໄດ້ຮັບໃບຢັ້ງຢືນ ISO 9001:2015 ໃນດ້ານການບໍລິການທີ່ຜ່ານມາ ແລະ ກຳລັງພັດທະນາໃຫ້ກາຍເປັນທະນາຄານທີ່ມີຫຼາກຫຼາຍຜະລິດຕະພັນ ທີ່ໃຊ້ລະບົບ Digital Banking ເທື່ອລະກ້າວ.
ແຄັບເຊິນ: ຊຳລະຄ້າສິນຄ້າຜ່ານການສະແກນ QR Code ຜ່ານສະມາດໂຟນ ໂດຍຍອດສະສົມບໍ່ເກີນ 5 ລ້ານກີບພາຍໃນເດືອນ ແມ່ນບໍ່ເສຍຄ່າທຳນຽມ.
ນັກຂ່າວ, ພາບ: ທິບພະຈັນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment