ແຂວງຫຼວງພະບາງ ເລືອກໄດ້ແລ້ວສໍາລັບ ນັກຮຽນເກັ່ງ ປ5,ມ4 ແລະ ມ7 ເພື່ອກຽມເຂົ້າຮ່ວມສອບເສັງນັກຮຽນເກັ່ງລະດັບຊາດ ທີ່ຈະຈັດຂື້ນໃນທ້າຍເດືອນເມສານີ້ ພ້ອມທັງເປັນການທົດສອບຄວາມຮູ້ຄວາມສາມາດຂຂອງນ້ອງນັກຮຽນ ແລະ ການສົ່ງທອດຄວາມຮູ້ຈາກຄູສູ່ນັກຮຽນອີກດ້ວຍ.
ເມື່ອຕອນເຊົ້າວັນທີ 20 ມີນາຜ່ານມານີ້ຢູ່ທີສະໂມສອນພະແນກສຶກສາທິການ ແລະ ກິລາແຂວງໄດ້ຈັດພິທີເປີດການແຂ່ງຂັນສອບເສັງນັກຮຽນເກັ່ງຂັ້ນປະຖົມ ປ5,ມ4 ແລະ ມ7 ທົ່ວແຂວງ ໂດຍພາຍໃຕ້ການເປັນປະທານຂອງທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ,ມີພະນັກງານຂະແໜງການທີ່ກ່ຽວຂ້ອງຂອງພະແນກສຶກສາທິການ ແລະ ກິລາແຂວງ,ຄູ-ອາຈານ ແລະ ນັກສອບເສັງຊັ້ນປະຖົມ ປ5,ມັດທະຍົມ ມ4 ແລະ ມ7 ຈາກ 12 ເມືອງ,ໂຮງຮຽນອ້ອມຂ້າງເຂົ້າຮ່ວມ.
ການສອບເຄັ້ງ ນີ້ມີນັກຮຽນສອບເສັງ ເຂົ້າຮ່ວມທັງໝົດ 184 ນ້ອງ, ຍິງ 65 ນ້ອງ,ໃນນັ້ນນັກສອບເສັງຊັ້ນ ປ5 ມີ 36 ນ້ອງ,ຍິງ 24 ນ້ອງ,ຊັ້ນ ມ4 ມີ 72 ນ້ອງ,ຍິງ 23 ນ້ອງ ແລະ ຊັ້ນມ7 ມີ 76 ນ້ອງ,ຍິງ 18 ນ້ອງ.
ການສອບເສັງຊັ້ນປະຖົມສຶກສາຊັ້ນ ປ 5 ສອບເສັງ 3 ວິຊາຄື: ພາສາລາວ, ຄະນິດສາດ ແລະ ໂລກ ອ້ອມຕົວ (ຫ້ອງສອບເສັງ ຢູ່ທີ່ ສູນພັດທະນາຄູ ປາກຫ້ວຍມາວ) ສ່ວນມັດທະຍົມສຶກສາ ຕອນຕົ້ນ ມ.4 ແລະ ມັດທະຍົມສຶກ ສາຕອນປາຍ ມ.7 ສອບເສັງ 4 ວິຊາຄື: ພາສາລາວວັນນະຄະດີ,ວິຊາຄະນິດສາດ, ວິຊາເຄມີສາດ ແລະວິ ຊາຟີຊິກສາດ ຫ້ອງສອບເສັງ ທີ່ ສູນໄອຊີທີ (ICT)ພະແນກສຶກສາທິການ ແລະ ກິລາແຂວງ.
ຜ່ານການສອບເສັງປະກົດວ່າ: ຊັ້ນປະຖົມ ສຶກສາຊັ້ນ ປ 5 ອັນດັບທີ 1 ວິຊາ ພາສາລາວ ນາງມິດສຸດາ ສີປະເສີດ ໂຮງຮຽນປະຖົມສົມບູນ ປາກງາ ເມືອງໂພນໄຊ; ວິຊາຄະນິດສາດ ທ້າວ ສໍສະຫັວນ ໂຮງຮຽນ ປະຖົມສົມບູນ ເທບປັນຍາ ເມືອງນ້ຳບາກ; ວິຊາໂລກອ້ອມຕົວ ທ້າວ ຄອນສະຫວັນ ຄຸນສີດາ ໂຮງຮຽນປະຖົມສົມບູນ ໜອງຂຽວ ເມືອງງອຍ.
ສ່ວນຊັ້ນມັດ ທະຍົມສຶກສາຕອນຕົ້ນ ມ.4 ອັນດັບທີ 1 ວິຊາພາສາລາວວັນນະຄະດີ ນາງ ພຸດທິດາ ວົງລາສີ ໂຮງຮຽນມ.ສ ສັນຕິພາບ, ວິຊາຄະນິດສາດ ທ້າວຕົວຊົ່ງ ຊົວດ່າ ໂຮງຮຽນມ.ສ ສັນຕິພາບ,ວິຊາເຄມີສາດ ທ້າວ ແຄນດີ ຜົນປະເສີດ ໂຮງຮຽນ ກຽດຕິສັກ ນາໆຊາດ,ວິຊາຟີຊິກສາດ ນາງພາລິສາ ໄຊຍະກອນ ໂຮງຮຽນ ມ.ສ ປ່ອງຄຳ.
ຂະນະທີ່ ຊັ້ນມັດທະຍົມສຶກສາຕອນປາຍ ມ.7 ອັນດັບທີ 1 ວິຊາພາສາລາວ ວັນນະຄະດີ ນາງ ວໍລະດາ ຈະເລີນຜົນໂຮງຮຽນ ມ.ສ ປ່ອງຄໍາ, ວິຊາຄະນິດສາດ ທ້າວ ຈັນ ລີໂຮງຮຽນມ.ສ ສັນຕິພາບ, ວິຊາເຄມີສາດ ທ້າວ ວັນນະສິດ ລັດຕະນະຄົມໂຮງຮຽນ ມ.ສ ປ່ອງຄໍາ, ວິຊາຟີຊິກສາດ ທ້າວສົມສະນິດ ໃຈຈື່ຊົ່ງ ໂຮງຮຽນມ.ສ ສັນຕິພາບ.
ໂດຍ: ແຈັກກີ້ ສກຂຫຼວງພະບາງ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment