ຟັງສຽງທໍາອິດຂອງ ຄໍາປານ ເດັກບ້ານນອກຝັນໃກ້ຈະເປັນຈິງກັບ ປະທານສາວ ຊວນມາເຊຍຕອນແລງນີ້

ຈາກຄວາມມຸ້ງໝັ້ນ ແລະ ຄວາມພະຍາຍາມ ເຮັດໃຫ້ຈາກການເປັນເດັກບ້ານນອກ ກາຍເປັນເນັດໄອດໍໄປແລ້ວສໍາລັບ ຄໍາປານ ດວງວິໄລ ອາຍຸ 15 ປີ ຮຽນຢູ່ຊັ້ນມໍ 4 ທີ່ເມືອງສະໝ້ວຍ ແຂວງສາລະວັນ ທີ່ມີ ຄິສເຕຍໂນ ໂຣນັລໂດ ກອງໜ້າເບີ 1 ຂອງໂລກ ເປັນຂວັນໃຈ. ຫຼັງຈາກທີ່ ທ່ານ ນາງ ພິຈິກາ ບຸນກວ້າງ ປະທານສະໂມສອນເຫັນທັກສະນະອັນໂດດເດັ່ນ ຈິ່ງເອີ້ນມາທົດສອບສີຕິນ ແລະ ຫຼ້າສຸດລົງສະໜາມໃຫ້ກັບທີມສາມາດຍິງປະຕູທໍາອິດໃຫ້ກັບ ທີມໄດ້ແລ້ວ ໃນນັດທີ່ເອົາຊະນະ ທີມລາວອໍສະຕຣາ 4-1 ເມື່ອວັນທີ 24 ມີນາ ທີ່ຜ່ານມາ.

ພາຍຫຼັງຈົບ ການແຂ່ງຂັນນັດທໍາອິດຂອງບານເຕະ 4 ເສົ້າ ປະທານສະໂມສອນ ນະຄອນຫຼວງ ຢູໄນເຕັດ ກັບ ຄໍາປານ ໄດ້ເຊີນຊວນແຟນບານ ມາເຊຍ ແລະ ມາເບິ່ງຟອມການຫຼິ້ນຂອງ ຄໍາປານ ໃນບານເຕະ 4 ເສົ້ານັດທີ 2 ໃນຕອນແລງຂອງມື້ນີ້ວັນທີ 26 ມີນາ ທີ່ສະໜາມເຈົ້າອານຸວົງ ເລີ່ມແຕ່ເວລາ 16:00 ໂມງເປັນຕົ້ນໄປ, ເຊິ່ງສຽງດັ່ງກ່າວ ເປັນສຽງທໍາອິດຂອງ ຄໍາປານ ເພາະເດັກຄົນນີ້ຂ້ອນຂ້າງອາຍ ແລະ ບໍ່ມັກເວົ້າປານໃດ ຕາມທີ່ແອັດມິນສືບຂ່າວມາ ລາຍລະອຽດເບິ່ງຄລິບໄດ້ດ້ານລຸ່ມ.