ຫຼັງຜ່ານໄປ 1 ວັນ (25 ມີນາ) ທີມສີພາຍນາວາສັກສິດ ຈາກນະຄອນຫລວງວຽງຈັນ ຊຶ່ງພາຍ ເຮືອຣະຄັງທອງ ຊິງໄຊທີ່ບຸນຊ່ວງເຮືອປະເພນີປະຈຳປີ 2018 ທີ່ທ່ານໍ້າວັດໄຣ່ຂິງພຣະອາຣາມຫລວງ ອ.ສາມພານ ຈ.ນະຄອນປະຖົມ ຜ່ານການແຂ່ງຂັນຮອບຄັດເລຶອກດັ່ງກ່າວ ສີພາຍຈາກລາວ ສາມາດພາເຮືອລໍາດັ່ງກ່າວທະລຸເຂົ້າຮອບ 8 ລໍາສຸດທ້າຍໄດ້ສໍາເລັດ.
ຫຼ້າສຸດ ມື້ນີ້ວັນທີ 26 ມີນາ ເປັນການແຂ່ງຂັນຮອບຊີງຊະນະເລີດເປັນການພົບກັນລະຫວ່າງ ເຮືອຣະຄັງທອງ ຈາກ ກຣຸງເທບມະຫານະຄອນ ຊຶ່ງພາຍໂດຍສີພາຍນາວາສັກສິດ ຈາກ ນະຄອນຫລວງວຽງຈັນ ຜ່ານເຂົ້າໄປຊິງຊະນະເລີດກັບ ເຮືອອິນທະນັດ ຈ.ນະຄອນປະຖົມ ເຮືອເຈົ້າພາບ ຫລັງຈາກທີ່ພວກເຂົາບຽດເອົາຊະນະ ເຮືອແມ່ເສດຖືເຣືອທອງ ຈາກວັດພຸນ້ອຍ ຈ.ລົບບຸຣີ ໄປໄດ້ທັງສອງລ່ອງເປັນເອກະສັນໃນຮອບຮອງຊະນະເລີດ.
ໂດຍຮອບຊີງຊະນະເລີດແຂ່ງຂັນກັບ 2 ຮອບ ຫຼື 2 ລ່ອງ (ກິນ 2 ໃນ 3 ) ປະກົດວ່າ: ລ່ອງທໍາອິດ ສີພາຍຈາກລາວ ພາເຮືອຣະຄັງ ເຂົ້າເສັ້ນໄຊໄປກ່ອນ ເຮັດໃຫ້ໄດ້ປຽບໄປກ່ອນ, ສ່ວນລ່ອງທີ 2 ເຈົ້າພາບແຊງເຂົ້າເຂົ້າໄຊ ເຮັດໃຫ້ຕ້ອງໄປຕັດສິນລ່ອງທີ 3 ປະກົດວ່າ: ສີພາຍຈາກລາວ ສາມາດພາເຮືອຣະຄັງ ເຂົ້າເສັ້ນໄຊຄວ້າແຊັມໄປຄອງຢ່າງຍິ່ງໃຫຍ່ ດ້ວຍຜົນ 2-1 ລ່ອງ.
ສໍາລັບ ສີພາຍຈາກລາວ ລົງພາຍຄັ້ງນີ້ຖືວ່າເປັນການທົດສອບທ່ານໍາທໍາອິດຂອງປີ 2018 ກໍ່ວ່າໄດ້ສໍາລັບ ທີຮ່ວມຊິງໄຊທີ່ປະເທດໄທ ໃນບຸນຊ່ວງເຮືອປະເພນີປະຈໍາປີ 2018 ທີ່ທ່ານໍ້າ ວັດໄຣ່ຂິງພຣະອາຣາມຫລວງ ອ.ສາມພານ ຈ.ນະຄອນປະຖົມ ທີ່ຈະຊ່ວງ ລະຫວ່າງ 25-26 ມີນາ 2018.
ເຊິ່ງຢູ່ຮ່ວມໃນສາຍ ຂ ຕາມຕາຕະລາງຂອງສະຫນາມດັ່ງກ່າວ, ເຊິ່ງມື້ນີ້ວັນທີ 25 ມີນາ 2018 ຈະເປັນການແຂ່ງຂັນຮອບຄັດເລຶອກ ແລະ ມື້ນີ້ວັນທີ 26 ມິີນາ ເປັນມື້ຊີງຊະນະເລີດ.
ຂໍ້ມູນຈາກ: ຊຸມຊົນຄົນຮັກເຮືອຍາວ ชุมชนคนฮักเฮือยาว
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment