ອີງຕາມແຜນການເຄື່ອນໄຫວຂອງ ສະຫະພັນບານເຕະແຫ່ງຊາດລາວ ( ສຕລ ) ປະຈຳປີ 2018 ເປີດຄັດເລືອກນັກກິລາທີ່ມີ ພອນສະຫວັນ ແລະ ທັກສະ ເພື່ອກະກຽມນັກກິລາ ທີມບານເຕະຍິງ ທີມຊາດລາວ ຮຸ່ນອາຍຸ 16 ປີ ເຂົ້າຮ່ວມການແຂ່ງຂັນບານເຕະຍິງຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U-16 GIRLS' CHAMPIONSHIP 2018 ເຊິ່ງຈະໄດ້ຈັດຂຶ້ນໃນວັນທີ 23 ມິຖຸນາ ຫາ 5 ກໍລະກົດ 2018 ຢູ່ທີ່ ເມືອງ ປາເລມບັງ ປະເທດ ອິນໂດເນເຊຍ .
ການຄັດເລືອກຈະໄດ້ຈັດຂຶ້ນໃນ ວັນຈັນ 19-25 ມີນາ 2018 ຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ບ້ານ ຫ້ວຍຫົງ ເມືອງ ຈັນທະບູລີ ນະຄອນຫລວງວຽງຈັນ ໃນເວລາ 16:30 – 18:30 ໂມງ.
ຫມາຍເຫດ :
- ນັກກິລາທີ່ເຂົ້າຮ່ວມຄັດເລືອກຕ້ອງຮັບປະກັນຄວາມພ້ອມຂອງຮ່າງກາຍຕະຫລອດໄລຍະການຄັດເລືອກ.
- ນັກກິລາທີ່ເຂົ້າຮ່ວມຄັດເລືອກທີມບານເຕະຍິງ ຮຸ່ນອາຍຸ 16 ປີ ຕ້ອງເກີິດໃນລະຫວ່າງປີ 2003 - 2005.
- ສຳລັບນັກກິລາຕ່າງແຂວງ ທີ່ຕ້ອງການມາຄັດເລືອກນັກກິລາໃນຄັ້ງນີ້ທາງ ສະຫະພັນບານເຕະແຫ່ງຊາດລາວ ແມ່ນອຳນວຍຄວາມສະດວກທາງດ້ານທີ່ພັກ ແແລະ ອາຫານການການກິນຕະຫລອດ ໄລຍະການຄັດເລືອກ ສ່ວນການເດີນທາງແມ່ນຮັບຜິດຊອບເອງ.
- ສຳລັບຜູ້ທີ່ມາຄັດເລືອກ ຈະຕ້ອງນຳເອົາເອກະສານ, ປຶ້ມສຳມະໂນຄົວ ຫລື ຫນັງສືການເດີນທາງ ( ຂອງແທ້ ) ແລະ ໃບຢັ້ງຢືນການສຶກສາ ( ຂອງແທ້ ) ເພື່ອເປັນຫລັກຖານ.
- ຕິດຕໍ່ສອບຖາມຂໍ້ມູນເພີ່ມເຕີ້ມໄດ້ທີ່ເບີ : 020 52512321, 020 58967148
ຂໍ້ມູນຈາກ: ສຕລ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment