ຫຼວງພະບາງ ຢູໄນເຕັດ ມາຫຼາຍເມື່ອລົງແຂ່ງຂັນ 2 ນັດນອກບ້ານເກັບໄດ້ 4 ຄະແນນກັບບ້ານ ຫຼັງບຸກມາເອົາຊະນະ ກອງທັບ ເອັຟຊີ 2-0 ໃນການແຂ່ງຂັນບານເຕະ ເປບຊີ ລາວພຣີເມຍລີກ 2018 ເມື່ອວັນທີ 3 ມີນາ ທີ່ຜ່ານມາ ທີ່ສະໜາມກີລາແຫ່ງຊາດ ຫຼັກ 16.
ຫຼວງພະບາງ ໄດ້ປະຕູທໍາອິດນາທີໆ 70 ຈາກການຍິງຂອງ ADA DJEZIRI ແລະ ອີກ 2 ນາທີຖັດມາ ຫຼວງພະບາງ ໜີຫ່າງເປັນ 2-0 ຈາກການຍິງໄກໜ້າເສັ້ນ 18 ສຸດງາມຂອງ ວັນນາ ບຸນຫຼໍ່ວົງສາ.
ເຮັດໃຫ້ ຫຼວງພະບາງ ເກັບເພີ່ມເປັນ 4 ຄະແນນຈາກ 2 ນັດ (ຊະນະ 1 ແລະ ສະເໝີ 1) ກັບບ້ານ ກ່ອນຈະກັບໄປແຂ່ງຂັນໃນບ້ານຂອງຕົວເອງໃນວັນອາທິດທີ 11 ມີນານີ້ ທີ່ສະໜາມກີລາແຂວງຫຼວງພະບາງ ເວລາ 16:00 ໂມງຕ້ອນຮັບການມາຢາມຂອງຮອງແຊັມເກົ່າຢ່າງ ປກສ ເອັຟຊີ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment