ຍັງບໍ່ໝົດຫຼໍ່! ເນມາ ອອກໂຮງໝໍກັບຂາທຽມ ຫຼັງຜ່າຕັດຮຽບຮ້ອຍ

ເນມາ ກອງໜ້າຄ່າຕົວແພງທີ່ສຸດໃນໂລກຂອງ ປາຣີສ ແຊງແຊກແມງ ໄດ້ຮັບອະນຸຍາດໃຫ້ອອກຈາກໂຮງໝໍໄດ້ແລ້ວ ຫຼັງການຜ່າຕັດສໍາເລັດໄປດ້ວຍດີເມື່ອວັນທີ 4 ມີນາ ທີ່ຜ່ານມາ ໂດຍນັກເຕະຕ້ອງພັກຟື້ນຮ່າງກາຍຍາວ ແລະ ຕ້ອງລຸ້ນວ່າຈະກັບມາຊ່ວຍທີມຊາດບຣາຊິລ ໃນບານໂລກ 2018 ຮອບສຸດທ້າຍທີ່ຣັດເຊຍ ໄດ້ທັນບໍ?.

ເນມາ ໄດ້ຮັບບາດເຈັບນັດທີ່ເອົາຊະນະ ໂອແລມປິກ ມາກເຊຍ 3-0 ເມື່ອທ້າຍອາທິດກ່ອນ ຈົນຫຼ້າສຸດໄດ້ຮັບການຜ່າຕັດສໍາເລັດໄປດ້ວຍດີ ແລະ ຈະເລີ່ມບໍາບັດຮ່າງກາຍຮ່ວມກັບ ຣາຟາເອລ ມາຕິນີ ນັກກາຍະພາບບັດຈາກ ປາຣີສ ແລະ ບຣາຊິນ, ເຊິ່ງຈະເຮັດໃຫ້ລາວພາດລົງສະໜາມເປັນເວລາ 3 ເດືອນ ແລະ ອາດເປັນໄປໄດ້ວ່າ ລາວຈະໄດ້ບໍ່ລົງຫຼິ້ນນັດທີ່ເຫຼືອຢູ່ຂອງຕົ້ນສັງກັດໃນລະດູການນີ້.

ທີ່ສໍາຄັນ ເນມາ ຕ້ອງພາດລົງແຂ່ງຂັນບານເຕະ ຢູຟາ ແຊັມປ້ຽນລີກ ຮອບ 16 ທີມສຸດທ້າຍນັດທີ 2 ພົບຮັບມື ຣີລ ມາດຣິດ ໃນວັນທີ 6 ມີນານີ້ ແລະ ນັດອຸ່ນເຄື່ອງທີມຊາດບຣາຊະນ ໃນທ້າຍເດືອນມີນານີ້.