ອັນໂຕນິໂອ ຄອນເຕ້ ຜູ້ຈັດການທີມຂອງ ເຊລຊີ ລະບຸສາເຫດຫຼັກທີ່ເຮັດໃຫ້ ເຊລຊີ ຕົກຮອບ 16 ທີມສຸດທ້າຍໃນການແຂ່ງຂັນບານເຕະ ຢູຟາ ແຊັມປ້ຽນລີກ ເປັນເພາະ ລິໂອເນລ ເມສຊີ ກອງໜ້າຕົວເກັ່ງຂອງ ບາເຊໂລນາ ທີ່ສ້າງຜົນງານຢ່າງໂດດເດັ່ນ ພ້ອມຊົມລູກທີມພະຍາຍາມກັນເຕັມທີ່ແລ້ວ.
ນັດດັ່ງກ່າວ ເມສຊີ ຍິງໃຫ້ ບາເຊໂລນາ ຂຶ້ນນໍາຢ່າງໄວວາພຽງ 3 ນາທີ ກ່ອນຈະສົ່ງບານໃຫ້ກັບ ອຸສມານ ເດມເບເລ ຍິງໃຫ້ທີມໜີຫ່າງເປັນ 2-0 ໃນນາທີໆ 20 ແລະ ສຸດທ້າຍ ເມສຊີ ຍິງອີກ 1 ປະຕູໃນນາທີໆ 63 ຊ່ວຍໃຫ້ທີມເອົາຊະນະ 3-0 ສົ່ງຜົນໃຫ້ ເຊລຊີ ຕົກຮອບ ແລະ ມີລຸ້ນແຊັມລະດູການນີ້ພຽງລາຍການ ເອັຟເອ ຄັບ ພຽງລາຍການດຽວເທົ່ານັ້ນ.
ສະຫຼຸບ 8 ທີມທີ່ເຂົ້າຮອບ 8 ທີມໃນ ຢູຟາ ແຊັມປ້ຽນລີກ ລະດູການີ້ປະກອບມີ: ຣີລ ມາດຣິດ ຈາກສະເປນ, ບາເຊໂລນາ ຈາກສະເປນ, ບາເຢີນ ມິວນິກ ຈາກເຢຍລະມັນ, ຢູເວນຕຸສ ຈາກອິຕາລີ, ແມນເຊັສເຕີ ຊິຕີ້ ຈາກອັງກິດ, ລິເວີພູລ ຈາກອັງກິດ, ໂຣມາ ຈາກອິຕາລີ ແລະ ເຊບີຢາ ຈາກສະເປນ.
ສໍາລັບ ການຈັບສະຫຼາກແບ່ງສາຍຈະມີຂຶ້ນໃນວັນທີ 16 ມີນານີ້, ສ່ວນຮອບ 8 ທີມສຸດທ້າຍ ທີມຈາກຊາດດຽວກັນ ສາມາດພົບກັນເອງໄດ້ແລ້ວ ໂດຍນັດທໍາອິດຈະແຂ່ງຂັນໃນວັນທີ 3-4 ເມສານີ້ ແລະ ນັດທີ 2 ຈະແຂ່ງຂັນໃນວັນທີ 10-11 ເມສານີ້.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment