ສຸກຫັນສາ! ເບຊິກຕັສ ປ່ອຍແມວລົງປ່ວນສະໜາມ ແຟນບານຍິ້ມໃຫຍ່, ແຕ່ສຸດທ້າຍຫົວບໍ່ອອກ

ຈາກການສ້າງສີສັນໃຈສະໜາມ ແລະ ເຮັດໃຫ້ກອງເຊຍມີຮອຍຍິ້ມໄປຕາມໆກັນ, ແຕ່ຫຼັງຈົບການແຂ່ງຂັນກັບຫົວບໍ່ອອກ ເມື່ອສະຫະພັນບານເຕະເອີຣົບ ( ຢູຟາ ) ຕັ້ງຂໍ້ຫາ ເບຊິກຕັສ ສະໂມສອນຊັ້ນນໍາຂອງລີກສູງສຸດຕວັກກີ ວ່າປ່ອຍແມວເຂົ້າມາໃນສະໜາມລະຫວ່າງນັດທີ່ ເສຍໃຫ້ກັບ ບາເຢິນ ມິວນິກ ເມື່ອວັນພຸດ ທີ່ຜ່ານມາ ໃນບານເຕະຢູຟາ ແຊັມປ້ຽນລີກ ຮອບ 16 ທີມສຸດທ້າຍ.

ເຫດການດັ່ງກ່າວເບິ່ງຄືວ່າຈະເປັນເລື່ອງໜ້າຮັກ, ບັນຍາຫາດໃໝ່ ແລະ ສ້າງຄວາມເບີກບານມ່ວນຊື່ນໃຫ້ກັບແຟນບານ ເມື່ອມີ ແມວໂຕໜຶ່ງ ກະໂດດເຂົ້າມາໃນສະໜາມນັດດັ່ງກ່າວ ແລະ ເຮັດໃຫ້ແຟນບານຍິ້ມກັນເປັນແຖວ. ຢ່າງໃດກໍ່ຕາມ, ຢູຟາ ກັບບໍ່ໄດ້ມ່ວນນໍາ ເພາະເຫັນວ່າລະບົບການຮັກສາຄວາມປອດໄພຂອງ ເບຊິກຕັສ ຍັງບໍ່ດີພໍ ຈິ່ງກຽມລົງໂທດ ພ້ອມກັບຄະດີອື່ນໆທີ່ແຟນບານຖີ້ມສິ່ງຂອງ ແລະ ປິດກັ້ນການເດີນທາງ, ເຊິິ່ງຈະດໍາເນີນກັນຕັດສິນໃນວັນທີ 31 ພຶດສະພານີ້.

ຈັງຫວະດັ່ງກ່າວເກີດຂຶ້ນໃນນາທີໆ 49 ແລະ ເຮັດໃຫ້ ໄມເຄິລ ໂອລິເວີ ຜູ້ຕັດສິນຊາວອັງກິດ ຈໍາເປັນຕ້ອງຢຸດເກມຊົ່ວຄາວ ເພື່ອປ່ອຍໃຫ້ແມວແລ່ນໃນສະໜາມ ກ່ອນທີ່ມັນຈະແລ່ນກະໂດດກັບເຂົ້າໄປໃນບໍລິເວນອັນສະຈັນ ໂດຍນັດນີ້ເຈົ້າ ເບຊິກຕັສ ເສຍໄປ 1-3 ພ້ອມຕັກຮອບດ້ວຍຜົນລວມ 2 ນັດ 1-8.