ລາຍງານຄວາມຄືບຫນ້າລົດ ເຊອາ ບັນຈຸນັກໂທດປິ້ນ ທາງເມືອງນາກາຍ

ອີງຕາມມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ Rescue Khammouan ໃຫ້ຮູ້ວ່າ: ໃນວັນທີ 13.03.2018 ເວລາ: 18:30 ນາທີ ໄດ້ຮັບແຈ້ງເຫດ ຜ່ານເບີສຸກເສີນ 020 55 33 00 65 ວ່າມີລົດໃຫຍ່ ເຊອາ ປີ້ນທາງເມືອງ ນາກາຍ ແຂວງ ຄຳມ່ວນ ເມື່ອໜ່ວຍກູ້ໄພຂອງພວກເຮົາໄດ້ໄປເຖິງຈຸດເກີດເຫດໄດ້ພົບເຫັນຜູ້ບາດເຈັບ 13 ຄົນ ເປັນເພດຊາຍ , ເສຍຊີວິດຢູ່ໂຮງໝໍ 01 ຄົນ ເພດຊາຍ ແລະ ເສຍຊີວິດຄາທີ່ 04 ຄົນ ເພດຊາຍ(ລວມຜູ້ເສຍຊີວິດ 5 ຄົນ).

- ສ່ວນຜູ້ບາດເຈັບແມ່ນທີມງານຂອງພວກເຮົາໄດ້ສົມທົບທາງເຈົ້າໜ້າທີ່,ໂຮງໝໍເມືອງຍົມມະລາດ,ໂຮງໝໍເມືອງນາກາຍແລະທີມແພດສຸກເສີນພູເບ້ຍ ລຳລຽງຜູ້ບາດເຈັບມາສູ່ໂຮງໝໍເມືອງຍົມມະລາດ
- ຜູ້ບາດເຈັບສາຫັດ 5ຄົນ ແລະຜູ້ບາດເຈັບເລັກໜ້ອຍ ແມ່ນທີມງານຂອງພວກເຮົາແລະທີມງານໜ່ວຍກູ້ໄພຊາວໜຸ່ມໄດ້ລຳລຽງສົ່ງໂຮງໝໍແຂວງຄຳມ່ວນ.ສ່ວນຊາກສົບແມ່ນທາງເຈົ້າໜ້າທີ່ຮັບຜິດຊອບນຳສົ່ງກັບເອງ...
ແຫລ່ງລາຍງານຕື່ມວ່າ: ລົດເຊອາໄດ້ບັນຈຸນັກໂທດຂຶ້ນໄປຕັດໄມ້ເຮ່ຍຢູ່ເຂດຕີນພູນາກາຍ ແຕ່ໃນຕອນຂາລົງມາໄດ້ເກີດອຸບັດຕິເຫດປິ້ນລົງຂ້າງທາງ.