ໂຄງການກໍ່ສ້າງກັນຕະຝັ່ງເຈື່ອນແຄມຂອງທີ່ເມືອງປາກເຊ ແຂວງຈຳປາສັກ ພາຍຫຼັງລົງມືມາ 3ເດືອນກວ່າຄືບໜ້າແລ້ວ 16%, ເຖິງວ່າມີຫຼາຍຢ່າງຫຍຸ້ງຍາກ ແຕ່ບໍລິສັດຜູ້ລົງມືກໍ່ສ້າງຮັບປະກັນວ່າຈະໃຫ້ສຳເລັດຕາມແຜນ
ອີງຕາມການລາຍງານຂອງຫນັງສືພິມລາວພັດທະນາໃນອາທິດຜ່ານມາ ຕາມການສຳພາດຂອງທ່ານ ໄພທູນ ປະທຸມທອງ ຜູ້ອຳນວຍການບໍລິສັດ ຈຳປາຄຳ ກໍ່ສ້າງ, ຂົວ-ທາງແລະເຄຫາສະຖານ ຈຳກັດຜູ້ດຽວ ໃຫ້ຮູ້ວ່າ: ພວກເຮົາໄດ້ຮັບຄວາມໄວ້ວາງໃຈຈາກລັດຖະບານກໍຄືແຂວງໃຫ້ເຂົ້າມາມີສ່ວນຮ່ວມໃນການພັດທະນາແຄມຂອງທີ່ເມຶືອງປາກເຊ,ເຊິ່ງໂຄງການໄດ້ສຳເລັດແລ້ວ 16% ແລະ ພວມກຳລັງສຸມໃສ່ໜ້າວຽກຕົ້ນຕໍທີ່ຈະເຮັດໃນປີນີ້ໃຫ້ສຳເລັດກ່ອນລະດູຝົນ, ໂດຍສະເພາະການສ້າງຕີນຕະຝັ່ງເຈື່ອນ ແລະ ຄູນຊາຍຂື້ນໃຫ້ເຕັມ ແລະ ໜ້າວຽກອື່ນໆທີ່ຕິດພັນເຊິ່ງຄາດວ່າຈະໃຫ້ສຳເລັດຕາມແຜນຂອງໂຄງການ.
ວິຊາການຊີ້ນຳປະຈຳພາກສະໜາມ ກ່າວວ່າ: ພວກເຮົາໄດ້ລົງມືກໍ່ສ້າງມາແຕ່ທ້າຍປີ2017 ຜ່ານການກໍ່ສ້າງແມ່ນມີຄວາມຫຍຸ້ງຍາກຫຼາຍໂດຍສະເພາະການຍົກຍ້າຍສິ່ງກີດຂວາງຕ່າງໆຫຼ້າຊ້າ, ວັດຖຸດິບທີ່ນຳມາໃຊ້ແມ່ນຫິນພູກໍ່ຢູ່ຫ່າງຈາກຈຸດກໍ່ສ້າງຫຼາຍເຮັດໃຫ້ການຂົນສົ່ງຫຍຸ້ງຍາກ ເພາະຄວາມຕ້ອງການຫີນພູມາຮັບໃຊ້ນີ້ຫຼາຍແສນໂຕນ ແລະຊາຍກໍຕ້ອງການຫຼາຍແສນແມັດກ້ອນ ເຊິ່ງຕ້ອງໄດ້ດູດຂຶ້ນມາແຕ່ກາງນ້ຳຂອງໂດຍນຳໃຊ້ເຮືອຂົນສົ່ງຂື້ນມາຕະຝັ່ງ, ນອກຈາກນີ້ ຈຸດກໍ່ສ້າງກໍເປັນຈຸດຕົວເມືອງນັບຈາກກິໂລແມັດສູນແຕ່ທ່າສາລາຄຳຫາສາມແຍກຕະຫຼາດດາວເຮືອງ, ຍາວ 2,3 ກິໂລແມັດ ເຮັດໃຫ້ການສັນຈອນໄປ-ມາຂອງລົດຂົນສົ່ງວັດສະດຸຕ່າງໆຫຍຸ້ງຍາກສັບສົນຍ້ອນມວນຊົນຍັງນຳໃຊ້ເສັ້ນທາງດັງກ່າວນີ້ຢູ່.
ແນວໃດກໍ່ຕາມ, ໂຄງການນີ້ເປັນໂຄງການພັດທະນາທີ່ມີຄວາມສຳຄັນ ຕໍ່ວຽກງານການທ່ອງທ່ຽວກໍ່ຄືສ້າງເປັນບ່ອນຮອງຮັບການຈັດກິດຈະກຳຕ່າງໆຂອງແຂວງ, ເປັນບ່ອນສາທາລະນະ, ສ້າງສິ່ງຕ້ານໄພທຳມະຊາດທີ່ອາດຈະເກີດຂຶ້ນທີ່ສຳຄັນກໍຄືກະກຽມການຫັນເປັນນະຄອນຈຳປາສັກໃນອະນາຄົດໃຫ້ປະສົບຜົນສຳເລັດ.
ສ້າງໂຄງການດັ່ງກ່າວ ໄດ້ມີພິທິວາງສືລາລຶກໃນຕອງແລງຂອງວັນທີ 22 ທັນວາ 2017 ຜ່ານມາ, ທີ່ແຄມຂອງເມືອງປາກເຊ ແຂວງຈໍາປາສັກ ໂດຍໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ບຸນຖອງ ດີວິໄຊ ເຈົ້າແຂວງໆຈໍາປາສັກ, ມີບັນດາທ່ານຮອງລັດຖະມົນຕີ, ທ່ານຮອງເຈົ້າແຂວງ ແລະ ບັນດາທ່ານແຂກຜູ້ໃຫຍ່ທີ່ກ່ຽວຂ້ອງ ຕະຫລອດເຖີງພະນັກງານວິຊາການຈາກບໍລິສັດຮັບເມົາກໍ່ສ້າງເຂົ້າຮ່ວມເປັນຈໍານວນຫລາຍ.
ໜ້າວຽກຕົ້ນຕໍຂອງໂຄງການປະກອບມີການກໍ່ສ້າງປ້ອງກັນຕາຝັ່ງເຈື່ອນ ແລະ ຄູປ້ອງກັນນໍ້າຖ້ວມ, ສວນສາທາລະນະ, ຍົກລະດັບທາງ ແລະ ລະບົບລະບາຍນໍ້າ ລວມມູນຄ່າການກໍ່ສ້າງທັງໝົດ 65 ລ້ານກວ່າໂດລາສະຫະລັດ, ໃນນັ້ນທຶນກູ້ຢຶມຈາກກອງທຶນຮ່ວມມື ເພື່ອການພັດທະນາເສດຖະກິດ ສ. ເກົາຫຼີຈໍານວນ 53 ລ້ານກວ່າໂດລາສະຫະລັດ ແລະ ທຶນພາຍໃນສົມທົບ 12 ລ້ານກວ່າໂດລາສະຫະລັດ.
ໂຄງການດັ່ງກ່າວໄດ້ເລີ່ມການດໍາເນີນສໍາຫລວດເກັບກໍາຂໍ້ມູນ ເພື່ອສຶກສາເສດຖະກິດເຕັກນິກເບື້ອງຕົ້ນໃນປີ 2010, ມາຮອດທ້າຍເດືອນເມສາ 2017 ຈີ່ງໄດ້ເຊັນສັນຍາຜູ້ວ່າຈ້າງຜູ້ຮັບເໝົາກໍ່ສ້າງ, ຊຶ່ງບັນດາໜ້າວຽກປະກອບມີຄື:
ໜ້າວຽກຕົ້ນຕໍຂອງໂຄງການປະກອບມີການກໍ່ສ້າງປ້ອງກັນຕາຝັ່ງເຈື່ອນ ແລະ ຄູປ້ອງກັນນໍ້າຖ້ວມ, ສວນສາທາລະນະ, ຍົກລະດັບທາງ ແລະ ລະບົບລະບາຍນໍ້າ ລວມມູນຄ່າການກໍ່ສ້າງທັງໝົດ 65 ລ້ານກວ່າໂດລາສະຫະລັດ, ໃນນັ້ນທຶນກູ້ຢຶມຈາກກອງທຶນຮ່ວມມື ເພື່ອການພັດທະນາເສດຖະກິດ ສ. ເກົາຫຼີຈໍານວນ 53 ລ້ານກວ່າໂດລາສະຫະລັດ ແລະ ທຶນພາຍໃນສົມທົບ 12 ລ້ານກວ່າໂດລາສະຫະລັດ.
+ສ້າງສວນສາທາລະນະ 2 ແຫ່ງຄື: ສວນສາທາລະນະເບື້ອງຝັ່ງເມືອງປາກເຊ 1 ແຫ່ງ, ແຕ່ບ້ານທ່າສະລາຄໍາ( ປາກແມ່ນໍໍ້າເຊໂດນ ) ຫາ ຂົວຂ້າມນໍ້າຂອງ ມິດຕະພາບລາວ-ຍີ່ປຸ່ນມີເນື້ອທີ່ 9,5 ກິໂລແມັດ,
+ກໍ່ສ້າງຄູປ້ອງກັນນໍ້າຖ້ວມຄວາມຍາວ 1,9 ກິໂລແມັດ,
+ກໍ່ສ້າງສວນສາທາລະນະແຄມຂອງຝັ່ງເມືອງໂພນທອງ ແຕ່ບ້ານຄັນແຍງຫາບ້ານໂພນສະຫວັນ, ມີເນື້ອທີ່ 0,6 ເຮັກຕາ
+ກໍ່ສ້າງປ້ອງກັນຕາຝັ່ງເຈື່ອນ ແລະ ຄູປ້ອງກັນນໍ້າຖ້ວມຢູ່ແຄມຂອງຝັ່ງໂພນທອງມີຄວາມຍາວທັງໝົດ 4,1 ກິໂລແມັດ,
+ກໍ່ສ້າງຕາຝັ່ງກັນເຈື່ອນ ແລະ ປ້ອງກັນຄູກັນນໍ້າຖ້ວມ ແຕ່ບ້ານທ່າສາລາຄໍາ( ປາກແມ່ນໍ້າເຊໂດນຝັ່ງຊ້າຍ) ຫາ ບ້ານແຫ່ ມີຄວາມຍາວ 5,9 ກິໂລແມັດ, ແຕ່ບ້ານທ່າໄຮແຄມຂອງ( ຝັ່ງຊ້າຍ ) ບ້ານຄັນເກີງຍາວ 1,9 ກິໂລແມັດ, ແຕ່ປາກແມ່ນໍ້າເຊໂດນ( ຝັ່ງຂວາ ) ຫາ ຂົວມິດຕະພາບລາວ-ໂຊຫວຽດ ລວງຍາວ 2,5 ກິໂລແມັດ, ກໍ່ສ້າງຄູປ້ອງກັນນໍ້າຖ້ວມ( ຍົກລະດັບທາງ) ແຕ່ຂົວບ້ານແຫ່ ຫາ ບ້ານຊົ້ງຍາວ 2,9 ກິໂລແມັດ.
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment