ໃນວັນທີ 14 - 15 ມີນາ 2018 ແຂວງຄຳມ່ວນໄດ້ມີການການສອບເສັງຄັດເລືອກເອົານັກຮຽນເກັ່ງທີ່ມີຄະແນນດີທີ່ສຸດໃນລະດັບແຂວງເພື່ອເປັນຕົວແທນຂອງແຂວງເຂົ້າຮ່ວມການສອບເສັງນັກຮຽນເກັ່ງໃນລະດັບປະເທດທີ່ນະຄອນຫຼວງວຽງຈັນ.
ທ່ານ ສີສົມພອນ ສີຫາລາດ ຫົວໜ້າຂະແໜງມັດທະຍົມສຶກສາໄດ້ກ່າວວ່າ : ສໍາລັບນັກສອບເສັງທີ່ຜ່ານເຂົ້າຮອບສອບເສັງໃນລະດັບແຂວງລວມມີຈໍານວນທັງໝົດ 142 ຄົນ , ຍິງ 92 ຄົນໃນນັ້ນນັກສອບເສັງຂັ້ນ ປໍ5 ມີຈໍານວນ 33 ຄົນ , ຍິງ 24 ຄົນ , ຂັ້ນມໍໍ 4 ມີຈໍານວນ 53 ຄົນ , ຍິງ 36 ຄົນ ແລະ ຂັ້ນມໍ 7 ມີຈໍານວນ 56 ຄົນ , ຍິງ 32 ຄົນ . ໃນການສອບເສັງແມ່ນແບ່ງອອກເປັນ 04 ຫ້ອງ .
ສໍາລັບຊັ້ນປະຖົມສຶກສາ ( ປໍ 5 ) ສອບເສັງ 03 ວິຊາຄື : ພາສາລາວ , ຄະນິດສາດ , ໂລກອ້ອມຕົວໂດຍໃຊ້ເວລາສອບເສັງ 90 ນາທີ . ສ່ວນຊັ້ນມັດທະຍົມສຶກສາຕອນຕົ້ນ - ຕອນປາຍ ( ມໍ 4 ແລະ ມໍ 7 ) ສອບເສັງ 05 ວິຊາຄື : ພາສາລາວ - ວັນນະຄະດີ , ຄະນິດສາດ , ຟີຊິກສາດ , ເຄມີສາດ ແລະ ພາສາອັງກິດໂດຍໃຊ້ເວລາສອບເສັງ 120 ນາທີ , ພິເສດໃນປີນີ້ເພິ່ນກໍ່ໄດ້ບັນຈຸວິຊາພາສາອັງກິດເຂົ້າໃນການສອບເສັງຕື່ມອີກຢູ່ຂັ້ນທ້ອງຖິ່ນ .
ນອກຈາກນັ້ນຍັງປະກອບມີກິດຈະກໍາຖາມ - ຕອບວິທະຍາສາດເຊິ່ງມີທັງໝົດ 11 ຄະນະເຂົ້າຮ່ວມແຂ່ງຂັນ ພ້ອມທັງໄປທັດສະນະສຶກສາຢູ່ສວນອຸທິຍານ ແລະ ອະນຸສອນສະຖານປະານໂຮ່ຈີມິນ (ບ້ານຊຽງຫວາງ)
ສໍາລັບຂັ້ນມໍ 7 ລວມມີ 04 ຄົນ , ຍິງ 01 ຄົນຄື : ທ້າວ ທິດທິພອນ ໂອລິນ ມປ ທ່າແຂກ ວິຊາຟີຊິກສາດ , ທ້າວ ສີສົມພອນ ນັນທະວົງ ມສ ບ້ານສັງ ເມືອງເຊບັ້ງໄຟ ວິຊາພາສາລາວ - ວັນນະຄະດີ , ທ້າວ ໄຊຍະເດດ ຄໍາມູນວົງ ມປ ທ່າແຂກ ວິຊາຄະນິດສາດ , ນາງ ສຸດາພອນ ຍັນທິວິໄລ ມປ ທ່າແຂກ ວິຊາເຄມີສາດ .
ແຫລ່ງທີ່ມາຈາກແວງຄຳມ່ວນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment