ເມື່ອບໍ່ດົນມານີ້ ໜ່ວຍງານກິດຈະກຳການກຸສົນເພື່ອປະຊາຊົົນຜູ້ທຸກຍາກ ຂອງວິທະຍຸກະຈາຍສຽງແຫ່ງຊາດລາວ ໄດ້ນຳເອົາເຄື່ອອຸປະໂພກບໍລິໂພກ ແລະ ອຸປະກອນການສຶກສາຈຳນວນໜຶ່ງ ລວມມູນຄ່າ 35 ລ້ານ ກ່ວາກີບ ໄປມອບໃຫ້ແນວລາວສ້າງຊາດແຂວງອຸດົມໄຊ ເພື່ອນຳໄປມອບຕໍ່ໃຫ້ປະຊາຊົນບັນດາເຜົ່າຢູ່ 4 ເມືອງ ຈຳນວນ 43 ບ້ານ, 1,108 ຄອບຄົວ ທີ່ປະສົບໄພນໍ້າຖ້ວມໃນຕົ້ນເດືອນສິງຫາຜ່ານມາ 2017.ໃນນີ້ມີປະຊາຊົນໄດ້ຮັບຜົນກະທົບ 5 ບ້ານ 72 ຫຼັງຄາເຮືອນ, ເປ່ເພ, 40 ຫຼັງ ແລະ ຖືກນໍ້າຊຸທັ່ງໄປ 9 ຫຼັງ ລວມມູນຄ່າການເສຍຫາຍ 24 ຕື້ກ່ວາກີບ.
ສ່ວນອຸປະກອນການສຶກສາຈະນຳໄປມອບໃຫ້ນັກຮຽນທີ່ທຸກຍາກ ຢູ່ເຂດຫ່າງໄກສອກຫຼີກ ຈຳນວນ 25 ບ້ານຄື : ເມືອງຫຼາ 2 ບ້ານ, ເມືອງໄຊ 3 ບ້ານ, ເມືອງແບງ 5 ບ້ານ, ເມືອງຮຸນ 4 ບ້ານ, ເມືອງປາກແບງ 3 ບ້ານ, ເມືອງງາ 3 ບ້ານ ແລະ ເມືອງນາໜໍ້ 5 ບ້ານ.
ສຳລັບເຄື່ອງອຸປະໂພກບໍລິໂພກ ແລະ ອຸປະກອນການສຶກສາທີ່ໜ່ວຍງານກິດຈະກຳການກຸສົນເພື່ອປະຊາຊົົນຜູ້ທຸກຍາກຂອງ ວສລ ນຳມາມອບໃຫ້ແນວລາວສ້າງຊາດແຂວງອຸດົມໄຊ ເພື່ອນຳໄປມອບຕໍ່ໃຫ້ປະຊາຊົນທີ່ປະສົບໄພນໍ້າຖ້ວມນີ້ ແມ່ນໄດ້ມາຈາກການປຸກລະດົມຄວາມຊ່ວຍເຫຼືອຈາກສັງຄົມ ກໍ່ຄືຜູ້ຟັງວິທະຍຸແຫ່ງຊາດຜ່ານຫຼາຍຊ່ອງທາງ.
ເຂົ້າຮ່ວມໃນພິທີມອບຮັບເຄື່ອງຊ່ວຍເຫຼືອໃນຄັ້ງນີ້ມີທ່ານ ດວງໃຈ ອ່ອນຊົມພູ ຮອງປະທານແນວລາວສ້າງຊາດແຂວງອຸດົມໄຊ, ທ່ານ ວໍລະສັກ ປຮະວົງວຽງຄຳ ຮອງຜູ້ອຳນວຍການໃຫຍ່ ວິທະຍຸກະຈາຍສຽງແຫ່ງຊາດລາວ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍ ເຊິ່ງພິທີຈັດຂຶ້ນໃນຕອນເຊົ້າວັນທີ 22 ມີນາ 2018 ທີ່ຫ້ອງການແນວລາວສ້າງຊາດແຂວງອຸດົມໄຊ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment