ຍອດຜູ້ເສຍຊີວິດ ເຫດໄຟໄໝ້ສູນການຄ້າ ຢູ່ຣັດເຊຍ ເພີ່ມເປັນ 53 ຄົນ

ຍອດຜູ້ເສຍຊີວິດ ຈາກເຫດໄຟໄໝ້ສູນການຄ້າ ໃນເມືອງຄີເມີໂຣໂວ ເຂດໄຊບີເຣຍ ຂອງ ຣັດເຊຍ ເພີ່ມຂຶ້ນເປັນ 53 ຄົນແລ້ວ ໂດຍໃນຈຳນວນນີ້ເປັນເດັກນ້ອຍ 11 ຄົນ.

ຕາມຂ່າວຕ່າງປະເທດໃຫ້ຮູ້ວ່າ: ໃນວັນທີ 26 ມີນາ 2018 ຄວາມຄືບໜ້າເຫດໄຟໄໝ້ສູນການຄ້າ ໃນເມືອງຄີເມີໂຣໂວ ເຂດໄຊບີເຣຍ ຂອງ ຣັດເຊຍ ເມື່ອວັນທີ 25 ມີນາ 2018 ຫລ້າສຸດມີຜູ້ເສຍຊີວິດເພີ່ມຂຶ້ນຢ່າງຫນ້ອຍ 53 ຄົນ ໂດຍໃນຈຳ ນວນນີ້ເປັນເດັກນ້ອຍ 11 ຄົນ ແລະ ມີຜູ້ໄດ້ຮັບບາດເຈັບ 43 ຄົນ. ຂະນະທີ່ອີກ 100 ກວ່າຄົນໄດ້ຮັບ ຄວາມຊ່ວຍເຫຼືອອອກຈາກສູນການຄ້າໃນຂະນະເກີດໄຟໄໝ້ໄດ້ຢ່າງປອດໄພ.

ທັງນີ້ ລາຍງານຂ່າວໄດ້ລະບຸວ່າ ໄຟເລີ່ມລຸກໄໝ້ບໍລິເວນຂອງອາຄານທີ່ເປັນໂຊນໂຮງຮູບເງົາ ແລະ ຄວາມບັນເທີງຕ່າງໆເທິງຊັ້ນ 4 ຂອງອາຄານວິນເທີຮ໌ ເຊີຣີໃນເມືອງຄີເມີໂຣໂວ ເຮັດໃຫ້ຄວັນລອຍ ອອກມາທາງປ່ອງຢ້ຽມ ຊຶ່ງຂະນະເກີດເຫດມີເດັກນ້ອຍ ແລະ ຜູ້ໃຫຍ່ຄາຢູ່ໃນເປັນຈຳນວນຫຼາຍ ສ່ວນສາ ເຫດເພີງໄໝ້ຍັງບໍ່ຮູ້ແນ່ຊັດ ໂດຍເຈົ້າໜ້າທີ່ເລັງສືບສວນຫາສາເຫດ ແຕ່ມີລາຍງານວ່າ ຕົ້ນເພີງອາດຈະ ເກີດຈາກບໍລິເວນສະໜາມເດັກນ້ອຍຫຼິ້ນ ໂດຍແທຣມໂພລີນທີ່ເດັກນ້ອຍໃຊ້ໂດດຫຼິ້ນນັ້ນເກີດຕິດໄຟຂຶ້ນ ຫຼັງຈາກເດັກນ້ອຍເອົາກັບໄຟມາຈູດຫຼິ້ນ.