ໄດ້ແລ້ວ ນັກຮຽນເກັ່ງຫຼວງພະບາງ ເພື່ອກຽມເຂົ້າເສັ່ງນັກຮຽນເກັ່ງລະດັບຊາດ

ແຂວງຫຼວງພະບາງ ເລືອກໄດ້ນັກຮຽນເກັ່ງ ປ5,ມ4 ແລະ ມ7 ເພື່ອກຽມເຂົ້າຮ່ວມສອບເສັງນັກຮຽນເກັ່ງລະດັບຊາດທີ່ຈະຈັດຂື້ນໃນທ້າຍເດືອນເມສານີ້ ພ້ອມທັງເປັນການທົດສອບ ຄວາມຮູ້ຄວາມສາມາດຂອງນ້ອງນັກຮຽນ ແລະ ການສົ່ງທອດຄວາມຮູ້ ຈາກຄູສູ່ນັກຮຽນອີກດ້ວຍ.

ຕອນເຊົ້າ ວັນທີ 20 ມີນາ ຜ່ານມານີ້ ຢູ່ທີສະໂມສອນພະແນກສຶກສາທິການ ແລະ ກິລາແຂວງ ໄດ້ຈັດພິທີເປີດ ການແຂ່ງຂັນສອບເສັງນັກຮຽນເກັ່ງຂັ້ນປະຖົມ ປ5,ມ4 ແລະ ມ7 ທົ່ວແຂວງ ໂດຍພາຍໃຕ້ການເປັນປະທານຂອງທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ,ມີພະນັກງານຂະແໜງການທີ່ກ່ຽວຂ້ອງຂອງພະແນກສຶກສາທິການ ແລະ ກິລາແຂວງ,ຄູ-ອາຈານ ແລະ ນັກສອບເສັງຊັ້ນປະຖົມ ປ5,ມັດທະຍົມ ມ4 ແລະ ມ7 ຈາກ 12 ເມືອງ,ໂຮງຮຽນອ້ອມຂ້າງເຂົ້າຮ່ວມ.

ການສອບເຄັ້ງ ນີ້ມີນັກຮຽນສອບເສັງ ເຂົ້າຮ່ວມທັງໝົດ 184 ນ້ອງ, ຍິງ 65 ນ້ອງ,ໃນນັ້ນນັກສອບເສັງຊັ້ນ ປ5 ມີ 36 ນ້ອງ, ຍິງ 24 ນ້ອງ, ຊັ້ນ ມ4 ມີ 72 ນ້ອງ, ຍິງ 23 ນ້ອງ ແລະ ຊັ້ນມ7 ມີ 76 ນ້ອງ, ຍິງ 18 ນ້ອງ, ສໍາລັບຊັ້ນປະຖົມສຶກສາຊັ້ນ ປ 5 ສອບເສັງ 3 ວິຊາຄື: ພາສາລາວ, ຄະນິດສາດ ແລະ ໂລກ ອ້ອມຕົວ(ຫ້ອງສອບເສັງ ຢູ່ທີ່ ສູນພັດທະນາຄູ ປາກຫ້ວຍມາວ) ສ່ວນມັດທະຍົມສຶກສາ ຕອນຕົ້ນ ມ.4 ແລະ ມັດທະຍົມສຶກ ສາຕອນປາຍ ມ.7 ສອບເສັງ 4 ວິຊາຄື: ພາສາລາວວັນນະຄະດີ,ວິຊາຄະນິດສາດ, ວິຊາເຄມີສາດ ແລະວິ ຊາຟີຊິກສາດ ຫ້ອງສອບເສັງ ທີ່ ສູນໄອຊີທີ (ICT)ພະແນກສຶກສາທິການ ແລະ ກິລາແຂວງ.

ຜ່ານການແຂ່ງ ຂັນສອບເສັງຊັ້ນປະຖົມ ສຶກສາຊັ້ນ ປ 5 ອັນດັບທີ 1 ວິຊາ ພາສາລາວ ນາງມິດສຸດາ ສີປະເສີດ ໂຮງຮຽນປະຖົມສົມບູນ ປາກງາ ເມືອງໂພນໄຊ, ວິຊາຄະນິດສາດ ທ້າວ ສໍສະຫັວນ ໂຮງຮຽນ ປະຖົມສົມບູນ ເທບປັນຍາ ເມືອງນ້ຳບາກ, ວິຊາໂລກອ້ອມຕົວ ທ້າວ ຄອນສະຫວັນ ຄຸນສີດາ ໂຮງຮຽນປະຖົມສົມບູນ ໜອງຂຽວ ເມືອງງອຍ, ຊັ້ນມັດ ທະຍົມສຶກສາຕອນຕົ້ນ ມ.4 ອັນດັບທີ 1 ວິຊາພາສາລາວວັນນະຄະດີ ນາງ ພຸດທິດາ ວົງລາສີ ໂຮງຮຽນມ.ສ ສັນຕິພາບ, ວິຊາຄະນິດສາດ ທ້າວຕົວຊົ່ງ ຊົວດ່າ ໂຮງຮຽນມ.ສ ສັນຕິພາບ,ວິຊາເຄມີສາດ ທ້າວ ແຄນດີ ຜົນປະເສີດ ໂຮງຮຽນ ກຽດຕິສັກ ນາໆຊາດ,

ວິຊາຟີຊິກສາດ ນາງພາລິສາ ໄຊຍະກອນ ໂຮງຮຽນ ມ.ສ ປ່ອງຄຳ ແລະ ຊັ້ນມັດທະຍົມສຶກສາຕອນປາຍ ມ.7 ອັນດັບທີ 1 ວິຊາພາສາລາວ ວັນນະຄະດີ ນາງ ວໍລະດາ ຈະເລີນຜົນໂຮງຮຽນ ມ.ສ ປ່ອງຄໍາ, ວິຊາຄະນິດສາດ ທ້າວ ຈັນ ລີໂຮງຮຽນມ.ສ ສັນຕິພາບ, ວິຊາເຄມີສາດ ທ້າວ ວັນນະສິດ ລັດຕະນະຄົມໂຮງຮຽນ ມ.ສ ປ່ອງຄໍາ, ວິຊາຟີຊິກສາດ ທ້າວສົມສະນິດ ໃຈຈື່ຊົ່ງ ໂຮງຮຽນມ.ສ ສັນຕິພາບ.

ຕອນທ້າຍພິທີ ທ່ານ ສົມລິດ ຈັນທະມາລີ ຮອງຫົວໜ້າພະແນກສຶກສາທິການ ແລະ ກິລາແຂວງໄດ້ໃຫ້ກຽດມອບຂອງຂັວນລາງວັນ ແລະ ທຶນການສຶກສາເພື່ອເປັນຂັວນກຳລັງໃຈໃຫ້ນັກຮຽນເກັ່ງ ທີ່ແຂ່ງຂັນໄດ້ອັນດັບທີ່ດີຕາມລໍາດັບ ໂອກາດດຽວກັນນີ້ທ່ານຍັງໄດ້ຮຽກຮ້ອງໃຫ້ນ້ອງນັກຮຽນຄູອາຈານຈົ່ງພ້ອມກັນສືບຕໍ່ຄົ້ນຄວ້າຮໍ່າຮຽນໃຫ້ຫຼາຍຂື້ນອີກຕື່ມເພື່ອກະກຽມໃນການເຂົ້າຮ່ວມແຂ່ງຂັນໃນລະດັບຊາດທີ່ນະຄອນຫຼວງວຽງຈັນ ໃນທ້າຍເດືອນເມສາທີຈະມາເຖິງນີ້.