ເກີດເຫດ ກຳມະກອນຂົນນໍ້າຕານຕົກລົດ ທີ່ແຂວງສະຫວັນນະເຂດ

ເກີດເຫດກຳມະກອນຂົນນ້ຳຕານຕົກລົດ ໃນຂະນະກຳລັງຂົນນ້ຳຕານ ທີ່ບ້ານ ນາແກ ເມືອງໄກສອນ ພົນວິຫານ ແຂວງ ສະຫວັນນະເຂດ ເຮັດໃຫ້ໄດ້ຮັບບາດເຈັບ 1 ຄົນ.

ເຫດການ ເກີດຂຶ້ນ ໃນວັນທີ 22/03/2018 ເວລາ 16:50 ນາທີ ໜ່ວຍກູ້ໄພ ສະຫວັນນະເຂດໄດ້ຮັບແຈ້ງເຫດວ່າ ມີອຸປະຕິເຫດກຳມະກອນຂົນນ້ຳຕານຕົກລົດ ໃນຂະນະກຳລັງຂົນນ້ຳຕານ ທີ່ເຂດບ້ານ ນາແກ(ດ້ານຂົວມິດຕະພາບໄທ-ລາວ) ເມືອງໄກສອນພົມວິຫານ ແຂວງ ສະຫວັນນະເຂດ; ເມື່ອທາງທີມງານມາເຖິງຈຸດເກີດເຫດແມ່ນພົບຜູ້ບາດເຈັບ 1 ຄົນ ເປັນຊາຍ ເຊິ່ງຜູ້ບາດເຈັບມີອາການ ຂາຫັກປິດເບື້ອງຊ້າຍ ດັ່ງນັ້ນທາງທີມງານຈື່ງໄດ້ປະຖົມພະຍາບານຂັ້ນຕົ້ນ ແລ້ວນຳສົ່ງໂຮງຫມໍ ແຂວງສະຫວັນນະເຂດ.